Prial

De Uiquipedia
Saltar a: navegación, buscar
Prial d'agua.

Un prial o manancial ye una fonte ñatural d'agua que surde de la tierra o ente les roques. Pue ser permanente o temporal. Orixínase pola filtración d'agua de lluvia que calístra nuna faza y emerxe n'otra de menor altitú, aú l'agua nun ta llendada nun conductu empermeable. Estes surdencies suelen ser abondantes en relieves kársticos.

A vegaes asocede que los cursos soterráneos calécense pol contautu con roques ignies y afloren como agües termales.

Los antigos griegos y romanos daben-y cultu a les fontanes ñaturales, que davezu taben consagraes a un dios o a una diosa. El prial d'agües termales de Bath, nel sudoeste de Gran Bretaña, foi consagráu polos romanos a Minerva, diosa de la sabencia y de la guerra. Les fontes ornamentales, nes ciudaes de los siegos XVII usaben a remembrar esi calter sagráu de los priales representando imáxenes de los dioses del agua.

Metafóricamente, los mananciales y fontes considérense en sen feguráu como l'aniciu de daqué: "Esa idega ye'l prial de desemeyaes dotrines ", "El so atalantu bebe de fontes marxistes".

Al güeyu, o al naciente de la fonte, tamién se-y noma l'oyeru.