Teatru Xovellanos

De Uiquipedia
Saltar a: navegación, buscar
Teatru Xovellanos.

El Teatru Xovellanos ye un teatru de la ciudá de Xixón, Principáu d'Asturies, España, asitiáu nel céntricu Paséu de Begoña.

Foi inauguráu nel mes de xunetu de 1899, col nome de Teatru Dindurra. Empezóse a construyir por cuenta de la demanda d'una villa n'evolución y siguiendo los trazaos oportunos d'un eminente arquiteutu naquel tiempu, Mariano Marín. Foi rehabilitáu en 1995 y na actualidá ye ún de los coliseos públicos nacionales con meyores infraestructures y qu'ufierta más programación mientres los dolce meses del añu.

El Teatru Municipal Xovellanos al traviés del Departamentu de Fiestes Populares -Festexos- xenera iniciatives nel sentíu d'ameyorar l'actividá lúdicu festiva, de tradición popular y d'animación de Xixón, según l'arriquecimientu nel serviciu al públicu y a los artistes en tolo rellacionao col mundu artísticu-cultural y d'últimos enclinos, nel oxetivu de convertir Xixón nun puntu de referencia dientro de les corrientes artístiques europees. Cabo menionar el so parcitipación nun festival de jazz bien conocíu que se celebra pel branu.