Solitariu Xurde
| Tortuga de la Islla Abingdon | |
|---|---|
 Solitariu Xurde, una Tortuga de Galápagos que camiéntase que ye l'últimu sobreviviente de la so especie. |
|
| Estáu de conservación | |
| Estintu n'estáu silvestre (EW) Estintu en llibertá (IUCN 2.3) |
|
| Clasificación científica | |
| Reinu: | Animalia |
| Filu: | Chordata |
| Clas: | Sauropsida |
| Orde: | Testudines |
| Familia: | Testudinidae |
| Xéneru: | Chelonoidis |
| Especie: | C. abingdonii |
| Nome binomial | |
| Chelonoidis abingdonii (Günther, 1877) |
|
Solitariu Xurde (en castellanu Solitario Jorge y Lonesome George n'inglés) ye'l nome del únicu exemplar conocíu de la subespecie Geochelone nigra subsp abingdoni, una de les once subespecies de tortugues de les Islles Galápagos (archipiélagu asitiáu nel océanu Pacíficu). Anguaño, ta etiquetáu como una de les criatures más rares nel mundu y ye ún poderosu símbolu de los esfuercios de conservación nes Galápagos y a nivel internacional.
Solitariu Xurde alcontróse nuna islla d'esti archipiélagu, conocida baxo'l nome castellanu de Pinta (Abingdoni n'inglés), l'un d'avientu de 1971 pol malacólogu americanu Joseph Vagvolgyi y recibió esti nome por un personaxe interpretáu pol actor George Gobel. Dende entós, reallugóse nes instalaciones de la Estación Científica Charles Darwin (Charles Darwin Research Station) na islla de Santa Cruz onde vive cautivu. Col envís d'algamar descendencia d'esti individuu, dos femes d'una especie asemeyada, G. nigra becki, procedentes del volcán Wolf na islla Isabela, fueron enzarraes con él va años nun recintu habilitáu. La que daquella se consideraba la subespecie más cercana cola que fuere posible dar descendencia resultó inviable por dar una camada de güevos infértiles. Sicasí, el 21 de xunetu de 2009 atopáronse 5 nuevos güevos nuna d'estes femes acompañantes, colo que se caltién la esperanza de que tovía naza una nueva xeneración. D'otra miente, la comunidá científica ta tovía enfotada n'atopar más individuos de la so mesma subespecie, ufiertando 10.000 dólares al qu'atope una fema abingdoni. Pola so edá, camiéntase que Xurde nació ente 1903 y 1919 polo qu'inda ye un especime adultu llonxe de la senectú.
Na islla Pinta onde s'atopó, completóse un prollongáu esfuerciu por estinguir les cabres introducíes sieglos atrás, colo que la vexetación autóctona ta recuperándose a otra vuelta y desendolcando l'ecosistema natural d'esti territoriu al que puea tornar esta tortuga xigante.
