Sierra de Gata
.jpg)
La Sierra de Gata ye una de les sierres que componen el Sistema Central. Les sos cumes marquen la llende ente les provincies de Cáceres al sur (comarca de la Sierra de Gata) y Salamanca al norte (comarques d'El Rebollar y Los Agadones). Pel oeste llenda cola Sierra de la Malcata na frontera con Portugal. Pel este llenda cola Sierra de Francia; la separación ente dambes sierres podría ser el valle formáu pel ríu Hurdano.
Xeografía[editar | editar la fonte]
La Sierra de Gata forma una separación natural de la submeseta sur y la submeseta norte.
Les sos cumes más importantes son (d'oeste a este):
- L'Espinazu 1.330 m
- Xálima 1.492 m
- Jañona 1.367 m
- Bolla Chica 1.408 m
- Bolla 1.519 m
- Arrobuey 1.412 m
- La Corredera 1.456 m
- Peña Canchera 1.592 m
 |
Puertos[editar | editar la fonte]
Estos picos son cruciaos por dellos puertos, que son el pasu natural ente dambos pandos:
Puerto Viejo 1.100 m, Puertu de San Martín (Pto. Santa Clara) 1.020 m, Puertu de Perales 910 m, Puertu Nuevu 950 m. La rimada más pronunciada d'estos puertos ta na fastera sur, una y bones l'altitú media de l'aguada norte ye más elevada, en redol a 800 m, lo que fai que'l descensu escontra'l norte sía más nidiu.
Hidrografía[editar | editar la fonte]
Los ríos más destacables son:
- Na aguada norte (cuenca del Duero) el ríu Águeda. Los regueros que van escontra'l norte son toos afluentes del Águeda.
- Na aguada sur (cuenca del Tajo) ta'l ríu Erjas y los regueros afluentes del ríu Alagón, ente los que destaca'l ríu Árrago.