Si me quieres escribir

Si me quieres escribir
Datos
Tipu	cantar
Idioma	castellanu
Fecha publicación	1938
Audio

Bandera de la 106 Brigada Mista

Si me quieres escribir (Si quies escribime n'asturianu), tamién conocíu polos nomes Ya sabes mi paradero (Yá sabes el mio paradoriu) y El frente de Gandesa, ye un de los cantares de la Guerra Civil Española más famosos y conocíos, compuestu mientres la Batalla del Ebro.

Contestu históricu

La melodía ta basada nel cantar A la derecha va el tercio del terciu mientres la guerres del Rif, nel norte de Marruecos.

Mientres la batalla del Ebro, la lletra del cantar podía camudar en función de la llocalización de los combates y de les unidaes que se víen envolubraes. L'asediu de Gandesa, la voladura de pontones y pontes, y otros fechos de la Batalla del Ebro apaecen mentaos tantu nesti cantar como en ¡Ai Carmela!, otru cantar tamién rellacionáu con esta batalla. Los inxenieros republicanos fueron capaces de reparar les pontes y pontones que yeren bombardiaos constantemente pola Lexón Cóndor alemana y la Aviazione Lexonaria italiana, para asina poder dexar a les fuercies republicanes cruciar el ríu y caltener abierta la cadena de suministros. Tamién apaez mentada la 3ᵉʳ Brigada Mista, una unidá republicana compuesta por carabineros que tuvo presente nel campu de batalla.

Los moros mentaos repitíes vegaes nel cantar en realidá son les tropes Regulares, les tarrecíes fuercies de choque marroquinos del exércitu franquista que tuvieron esmartellando les posiciones republicanes nel frente de Gandesa durante meses.

Lletra n'asturianu

Los moros que traxo Franco en Madrid quieren entrar mientres queden milicianos los moros nun van pasar. Si quies escribime yá sabes el mio paradoriu Tercer Brigada Mista, primer llinia de fueu. Anque me tiren la ponte y tamién la pasarela vas veme pasar l'Ebro nun barquín de vela. Diez mil vegaes que los tiren diez mil vegaes vamos facerlo tenemos cabeza dura los del Cuerpu d'Inxenieros. Nel Ebro fundiéronse les banderes italianes y nes pontes solo queden les que son republicanes.

Lletra en castellanu

Los moros que trajo Franco en Madrid quieren entrar mientras queden milicianos los moros no pasarán. Si me quieres escribir ya sabes mi paradero Tercera Brigada Mixta, primera línea de fuego. Aunque me tiren el puente y también la pasarela me verás pasar el Ebro en un barquito de vela. Diez mil veces que los tiren diez mil veces los haremos tenemos cabeza dura los del Cuerpo de Ingenieros. En el Ebro se han hundido las banderas italianas y en los puentes solo quedan las que son republicanas.

Vease tamién

• Batalla del Ebro
• El pasu del Ebro
• Ponte de los Franceses

Enllaces esternos

• Si Quies Escribime - Quetzal
• Si quies escribime ★ Tercer Brigada Mista

• Datos: Q19366481