Renminbi

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener

El renminbi ye la moneda de cursu llegal en China. Renminbi (RMB) quier dicir "moneda del pueblu" y la so unidá básica ye'l yuan. El yuan dixébrase tamién en 10 jiao, y cada jiao subdixébrase en 10 fen. En chinu mandarín, al yuan llámenlu comúnmente como kuài (块), metanto qu'al jiǎo llámenlua máo (毛).

La so fixaxón y corraxe[editar | editar la fonte]

El so corraxe anguaño ye d'unos 8 yuanes el dólar, pero hai de destacar que'l yuan nun tien camudu llibre del tou, sinon que ta vinculáu a una bolsa de monedes. Esto fai que nun fluctúe tanto como una moneda marniega, y que'l so valor real desapréciese abondo, los entendíos dicen que ta desapreciada nun 10-15%, y n'América falen de mas d'un 25%.

L'oxetivu d'esta Vinculación ta en mantener el yuan baxu, col consecuente xorrecimentu de les esportaciones que son el motor del aspoxigu de la economía China, si bien esta nun completa lliberación ta faciendo ganase inmumberables acusaciones de Economía nun de mercau y d'intervencionismu, sobretou dende EEUU, que xeneren sanciones y llamaes d'atención a les sos empreses por parte de la OMC

El so procesu d'apertura[editar | editar la fonte]

Foron estes presiones les que ficieron en 2005 que China entamara la lliberación de la so moneda, n'esta dómina'l yuan tenía un camudu fixu en 8,28 dolares, ensin posibilidá de fluctuación, esto facía que les empreses chines vendieren más y les empreses americanes mercáren-yos más por ser más baratos los sos productos. Esto tenía'l problema de que'l camudu con otres monedes nun siempre yera posible y yera difícil abondes vegaes. Otru problema yera el nun dexar al mercáu facer el so llabor d'equilibriu na moneda, coles ventaxes desleales qu'esto facía a les empreses chines pa colos Estaos Xuníos y otros países. Esto xunío a les acusaciones d'intevencionismu, favoritismu y a les llimitaciones de camudu de monedes tanto d'entrada como de Desurdimientu ficieron que recibiera abondes sanciones pola OMC y decidiera entamar la so lliberación cola vinculación a bolsa de monedes.

Dende entós nun paró de xorrecer el so valor (dientro de les posibilidaes de la vinculación y a la velocidá permitida por esta). Nesti añu'l valor del yuan creció un poco más d'un 3% dende los 8,28 fasta los 7,99 que tien anguaño y continúa el so xorrecimientu.

Ensin embargu abondos países dicen que nun ye suficiente y continuen pidiendo la completa lliberalización de la moneda, y en EEUU los entendíos afirmen que sigue devaluada en más d'un 20%, si bien aplauden estes midides y puxen pel s0 bombíu.