Radovan Karadžić

De Wikipedia
Radovan Karadžić
1. President of Republika Srpska (en) Traducir

7 abril 1992 - 19 xunetu 1996
← ensin valor - Biljana Plavšić
Vida
Nacimientu Petnjica (en) Traducir19 de xunu de 1945[1] (78 años)
Nacionalidá Bandera de Bosnia y Herzegovina Bosnia y Herzegovina
Bandera de Serbia Serbia
Bandera de Montenegru Montenegru
República Srpska (1992-1995)
República Federativa Socialista de Yugoslavia
Bandera de Serbia y Montenegru Serbia y Montenegru
Grupu étnicu serbios (es) Traducir
Llingua materna Serbiu
Familia
Casáu con Ljiljana Zelen Karadžić
Fíos/es Sonja Karadžić-Jovičević (en) Traducir
Estudios
Estudios Universidá de Sarayevu
Columbia University College of Physicians and Surgeons (es) Traducir
Llingües falaes inglés
Serbiu[2]
Oficiu políticu, poetapsiquiatra
Premios
Serviciu militar
Lluchó en Guerra de Bosnia
Creencies
Relixón cristianismu ortodoxu
Partíu políticu Partido Democrático Serbio (es) Traducir
Liga de Comunistas de Yugoslavia (es) Traducir
IMDb nm0438734
Cambiar los datos en Wikidata

Radovan Karadžić (en cirílicu serbiu: Радован Караџић) (19 de xunu de 1945Petnjica (en) Traducir), ye un políticu y siquiatra serbobosniu, presidente de la República Srpska ente 1992 y 1996, condenáu pol TPIY como máximu responsable del xenocidiu de Srebrenica y el sitiu de Sarajevo.[3]

En 1989 fundó'l Partíu Democráticu Serbiu (SDS) na república yugoslava de Bosnia y Herzegovina col enfotu de protexer los intereses de los serbios énte la supuesta radicalización integrista de parte de la población musulmana.

Biografía[editar | editar la fonte]

Vida temprana[editar | editar la fonte]

Karadžić ñació en Petnjica cerca de Šavnik, Montenegru, Yugoslavia. So pá, Vuko, foi miembru de los Chetniks - Los restos del exércitu del Reinu de Yugoslavia. So pa ingresó na cárcel cuando Karadžić entá yera un neñu. Radovan Karadžić treslladóse a Sarayevu (Bosnia y Herzegovina) en 1960 pa continuar los sos estudios en psiquiatría y trabayar nel Hospital de Koševo. Nesta dómina fizo daqué de poesía y nótense les influyencies del escritor serbiu Dobrica Cosic, foi élli que lu afalagó pa dedicase a la política. Con 23 años asoleyó la so primer coleición poética, La llanza lloca. "Amiyemos a la ciudá, matemos a dalgún inútil": ye'l títulu d'un poema de Karadžić que data de 1971. En 1985 pasó 11 meses na cárcel por fraude.

Vida política[editar | editar la fonte]

En 1989 foi cofundador del Partíu Democráticu de Serbia (Srpska Demokratska Stranka) en Bosnia y Herzegovina y dende él afalagó a recolleutar serbios de los países de la redolada pa la República de Serbia, siendo'l so oxetivu ensamar lo que se denomaba la Gran Serbia. El 24 d'ochobre de 1991 formóse una xunión de países, col envís de representar a los Serbios en Bosnia y Herzegovina. El partíu políticu serbiu que gobernaba en Bosnia y Herzegovina, lideráu por Radovan Karadžić, organizó la creación de "Provincies Autónomes de Serbia" (SAOs) en Bosnia y afitó una asamblea pa la so representación. En payares de 1991, los serbios de Bosnia tuvieren un referendu y el so resultáu ufría una mayoría absoluta en favor de permanecer nun estáu en común con Serbia y Montenegru. El 9 de xineru de 1992 l'asamblea serbia proclamó la República de Bosnia y Herzegovina (Република српског народа Босне и Херцеговина / Republika srpskog naroda Bosne i Hercegovine). El 28 de febreru de 1992, foi adoptada la constitución de la República de Bosnia y Herzegovina na que declaraba que los territorios autónomos serbios, les municipalidaes y les entidaes étniques serbies en Bosnia y Herzegovina yeren baxo esta constitución parte del estáu federal de Yugoslavia.

El 29 de febreru y l'1 de marzu de 1992 celebróse un referendu sobro la independencia de Bosnia y Herzegovina de la Yugoslavia. Los serbios boicotiaron el referendu mentantu que los bosnios y los croates, que representaben un 64% del total del votu, algamaren el resultáu final que foi d'un 98% en favor de la independencia. El 6 d'abril de 1992, Bosnia foi reconocida poles Naciones Xuníes como un estáu independiente. Karadžić entamó d'esta miente a ser el primer presidente de los bosnios n'alministración serbia de Pale aproximadamente'l 13 de mayu de 1992 tres del colapsu de Yugoslavia. Al empar qu'asumía esti nuevu cargu, adquiría talo y como describe la constitución de l'alministración serbobosnia'l mandu del exércitu en tiempos de guerra y paz, teniendo la capacidá de promocionar o de degradar a cualesquier oficial del exércitu.

Sicasí, continuando cola idea d'una Gran Serbia, Karadžić nun tuvo dubia n'alcontrar sofitu dientro d'aquellos países siguidores mayoritariamente de la fe ortodoxa tales como Rusia y Grecia. En febreru de 1994, por exemplu, contautó en secretu col gobiernu griegu cola idea de crear una Confederación Greco-Serbia fundamentada na conocida amistá serbogriega, una idea que Miloševic ya propunxo en 1992.

Exerció un control permanente sobro les cuatro cadarmes armaes qu'efeutuaben la llimpieza d'unes 41 rexones, más de la metada de l'antigua república yugoslava. L'Exércitu de la República Serbia, los paramilitares, la Defensa territorial y la Policía, a les órdenes de Karadžić, dedicáronse con tolos recursos posibles, a afarar con tola población que nun fuera serbio, ye dicir, cásique'l 50%

Ta acusáu d'haber ordenao la llimpieza étnico de bosnios y croates. En 1995 el Tribunal Penal Internacional pa la ex-Yugoslavia (TPIY) abrió una vista escontra Karadžić y la so mano drecha, el xeneral Ratko Mladic, inculpándolos por xenocidiu. Consiguió caltenese na presidencia hasta'l mes de xunetu de 1996, y en 1997, cuando les órdenes de captura escontra élli se multiplicaren y adquirieron un tono más amenazador, l'ex-siquiatra fuxó. Foi deteníu el 21 de xunetu de 2008.

Referencies[editar | editar la fonte]

  1. URL de la referencia: http://nyti.ms/1RjtEvP. Data de consulta: 24 marzu 2016.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. El País «El serbobosniu Karadzic, condenáu a 40 años pol xenocidiu de Srebrenica.» Consultáu'l 24 de marzu de 2016

Enllaces esternos[editar | editar la fonte]