Programa Sputnik

De Uiquipedia
Saltar a: navegación, buscar
Sellu soviéticu conmemorando'l programa Sputnik.

El Programa Sputnik foi una riestra de misiones espaciales non tripulaes llanzaes pola Xunión Soviética nos años caberos de la década de los 50 p'amosar la viabilidá de los satélites artificiales n'órbita terrestre. El nome "Sputnik" ("Спутник") vien del rusu y el so significáu ye "satélite" o "compañeru de viaxe"

Naves Sputnik[editar | editar la fonte]

  • L'Sputnik 2 llanzóse un mes dempués, en payares, el día 3, 1957, llevando a bordu al primer pasaxeru vivu, la pequeña perra Laika. Los planes de la misión nun aseguraben el regresu de la nave espacial o el so pasaxeru, faciendo de Laika'l primer calabre del espaciu, la muerte sobre esti animal ye insegura, dalgunos aseguren que murrió calcinada al descender debido a la frición de l'atmosfera, otres aseguren que foi envelenada pa torgar el sufrimientu del animal ya incluso otres atrévense a dicir que foi una forma de sabotiar el proyeutu, poro esti secretu, sigui tando ocultu pela parte de la esploración y conquista espacial Rusa secreta, que competía escontra los estaunidenses.
  • El primer intentu de llanzar l'Sputnik 3, en febreru, el día 3, 1958 foi fallíu, pero'l segundu en Mayu, el día 5, foi satisfautoriu y tresportó una gran riestra d'instrumentos pa investigación xeofísica. La so grabadora falló, faciendo imposible midir la radiación de los cinchos de Van Allen.
  • L'Sputnik 4 (Korabl-Sputnik-1) llanzóse y puso n'órbita dos años dempués, en Mayu, el día 15, 1960. Llevaba a bordu un maniquí humanoide o dummy pa esperimentar de cara a los futuros esnalíos tripulaos del programa Vostok.
  • L'Sputnik 5 (Korabl-Sputnik-2) foi llanzáu y puestu n'órbita n'agostu, el día 19, 1960 llevando a bordu a los canes Belka y Strelka, 40 ratones, 2 rates y una variedá de plantes. La nave tornó a la Tierra al día siguiente y tolos animales foron recuperaos sanos.
Semeya d'un de los canes a bordo del Sputnik 6
  • L'Sputnik 6 (Korabl-Sputnik-3) foi llanzáu n'avientu el día primeru, 1960 con unos canes Pchelka (Пчёлка) y Mushka (Мушка) a bordu, amás d'otres animales, plantes ya inseutos. La cáusula nun pudu ser recuperada. Foi la primera preba d'una nave Vostok ensin tripulación humana.
  • L'Sputnik 7 (Tyazheliy-Sputnik 4), llanzáu en febreru el día cuato, 1961 nun cohete SL-6/A-2-e, foi la primera preba Soviética d'unviar una sonda en direición a Venus, prologando al futuru programa Venera. La sonda reentró n'órbita terrestre.
  • L'Sputnik 8 (Tyazheliy-Sputnik 5) foi llanzáu nel día 12 de febreru, 1961, tresportaba como carga a la sonda Venera 1.

La mayoría de los Sputniks foron puestos n'órbita pol vehículu de llanzamientu R-7, diseñáu orixinalmente pa llevar misiles balísticos.

Normalmente considérense Sputnik namás los tres primeros llanzamientos, a vegaes incluso'l cuartu. Cuasi tolos posteriores Sputnik (series Korabl, Tyazheliy, etc.) foron esnalíos de prebes de naves Vostok o de desemeyaes sondes interplanetaries (programes Venera, Zond, Marsnik, etc) ensin tripulación. La serie Cosmos asocedió a los Sputnik.

Consecuencies[editar | editar la fonte]

La sorpresa del llanzamientu del Sputnik 1, siguíu del fallu espeutacular de los primeros llanzamientos del proyeutu Estaunidense Vanguard, impautó a les autoridaes d'esi país, quienes retrucaron ensiguida col llanzamientu de varios satélites incluyendo l'Explorer 1 (anque de muncha menor carga), el proyeutu SCORE, Advanced Research Projects Agency y el Courier 1B. Sputnik tamién aceleró la creyación de la NASA (National Aeronautics and Space Administration) y un mayor incrementu de la inversión pela parte del gobiernu d'Estaos Xuníos n'investigación y educación científiques. Asina mesmo pensóse en desendolcar el Proyeutu A119, anque definitivamente s'abandonara.

Enllaces esternos[editar | editar la fonte]