Población activa

De Uiquipedia
Saltar a: navegación, buscar
Porcentaxe de población activa avanzada nos Estaos Xuníos ente 1948 y 2006.
Fonte: United States Bureau of Labor Statistics.


La población activa d'un país ye la cantidá de persones incorporaes al mercáu de trabayu, les que tienen un emplegu o les que gueten ún anguaño. Nel 2005, la población activa mundial yera de 3.000 millones de persones.

Nun ha confundise población activa con población n'edá llaboral o población n'edá económicamente activa (PEEA), la que, según la llexislación, tien capacidáes d'obrar d'incorporase al mercáu de trabayu (por exemplu, ente los 16 y los 25 años). Sicasí, estes edaes varíen según la época y el llugar (mayores de 14 o 18 en dalgunos casos; distintes edaes de xubilación, etc.). Nun estrémase como población activa la que trabaya ensín remuneración (ensin tar nel mercáu de trabayu).

Tampoco ha confundise con población ocupada, que ye la parte de la población activa que desendolca un trabayu remuneráu.

La población activa d'un país (o cualaquier entidá xeográfica) ye la suma de toles persones n'edá llaboral con emplegu remuneráu (población ocupada) o a la gueta d'un (población en desemplegu). Poro, la activa dixébrase en dos conxuntos: los que tienen emplegu y los desemplegaos. La fraición de población activa que busca emplegu pero nun ye a alcontralu determina la tasa de desemplegu.

Tasa de actividá o porcentaxe de población activa[editar | editar la fonte]

La tasa de actividá de una población ye'l resultáu del cociente ente la población activa y la población n'edá activa (davezu amosáu en porcentaxes). Na metá cabera del sieglu XX la tasa de la población activa medró muncho nel denomáu mundu occidental, principalmente pol númberu de muyeres qu'aportaron al mercáu del trabayu. Según Estwell, W. (1945) la población nos países en desendolcu sofítase na agricultura, yá que la crecedera agrícola y les condiciones qu'arrodien la distribución de los sos productos caltién rellación direuta con ella puesto que-y suministra les materies primes, el salariu esencial y el alimentu; arriendes pue apurrir un motivu d'espansión industrial representando un mercáu pa los bienes de la industria.

Fórmules[editar | editar la fonte]

La tasa de actividá pue amenorgar cuando la tasa de crecedera de la población supera la de los ocupaos y desemplegáos xuntos. La tasa de actividad ye un componente clave a llargu plazu nel xorrecimientu económicu, casi tan importante como la productividá.

Ptot = población total

PA = Población activa = O + D

PAtot trabayu = Población activa (la que defínese xeneralmente como la población compuesta de tolos homes y muyeres d'ente 15-64 años)

p = tasa de actividá = PA / Ptot

O = númberu d'ocupaos

e = tasa d'emplegu = O / P. en edá de trabayar

D = númberu de desemplegaos

d = tasa de desemplegu = D / PA

Tasa d'emplegu[editar | editar la fonte]

La tasa de emplegu mide la rellación qu'esiste ente la población ocupada y la población n'edá de trabayar.

Conceutos rellacionados[editar | editar la fonte]

  • Población ocupada: persones con emplegu.
  • Población activa: población ocupada más población desemplegada.
  • Población inactiva: personas ensin trabayu que tampoco lu busquen.
  • Población activa en edá llegal de trabayar: persones ocupaes más persones desemplegaes mayores de 16 años, dicho, d'otra miente, la población activa mayor de 16 años.
Sectores de la Población Activa
  • sector primariu: población emplegada n'actividades económiques d'agricultura, ganadería, esplotación de les viesques, caza, pesca y la esplotación de las mines ya hidrocarburos. Represéntase col númberu ún (I) romanu.
  • sector secundariu: población ocupada nes actividaes industriales: manufactures, construcción, lletricidá, gas, agua, etc. Represéntase col númberu dos (II) romanu.
  • sector terciariu: población que trabaya n'actividaes comerciales, de transporte y servicios en xeneral, tanto públicos como privaos. Represéntase col númberu trés (III) romanu.
Fórmula Estructural de la Población Activa

Refierse a la miente na que tá distribuyíu en caún de los sectores definíos.

Amuesa que'l sector que concentra la mayor cantidá de población activa ye'l sector terciariu, (III) siguíu pol sector primariu (I) y el sector secundariu (II).