Pieris cheiranthi

Pieris cheiranthi
Estáu de caltenimientu
En peligru (UICN)EN
Clasificación científica
Reinu:	Animalia
Filu:	Arthropoda
Clas:	Insecta
Orde:	Lepidoptera
Suborde:	Glossata
Infraorde:	Heteroneura
División:	Ditrysia
Seición:	Rhopalocera
Familia:	Pieridae
Xéneru:	Pieris
Especie:	P. cheiranthi (Hübner, 1808)
Sinonimia
P. cheiranthi cheiranthi
Consultes
[editar datos en Wikidata]

Pieris cheiranthi ye una especie de lepidópteru ditrisiu de la familia Pieridae endémica de les islles Canaries. (Hübner, 1808).

Sinonimia

• P. cheiranthi cheiranthi

Distribución

La distribución orixinal d'esta especie incluyía les islles de Tenerife, La Palma y La Gomera anque anguaño la población d'esta última islla considérase estinguida. Ente qu'en La Palma ta bien estendida, na islla de Tenerife namái apaez na rexón mariñana de la zona norte. Ocupa una área total d'unos 350 km², partíos ente 5 llocalizaciones asitiaos ente los 200 y los 1400 metros d'altitú, rangu nel que s'atopen los montes de laurisilva que representen el so hábitat natural.

Foi citada na islla de Gran Canaria, pero probablemente trátese d'individuos introducíos por fuercia o divagantes.

Ecoloxía

Esta especie  reproduzse en zones húmedes y avisiegues, en ribayos predresos y cantiles dientro de los montes de laurisilva. Los güevos son depositaos nes fueyes de Crambe strigosa, una especie de planta endémica de llugares húmedos nos montes de laurisilva y na Tropaeolum majus, que ye una especie introducida. Na islla de La Palma probablemente tamién use como plantes nutricies a Descurainia millefolia y Lobularia canariensis. Les canesbes son gregaries, pero esvalixen nos estadios llarvales tardíos.

Caltenimientu

Esta especie vese amenaciada por cuenta de la destrucción del so hábitat debida a la presión antropogénica. Tamién s'embaraxa qu'una causa del so amenorgamientu sía la introducción de l'aviespa parásita Cotesia glomerata.

Referencies

• Datos: Q585949
• Multimedia: Pieris cheiranthi
• Especies: Pieris cheiranthi