Paralax

De Wikipedia
Paralax
diferencia (es) Traducir
fenómeno óptico (es) Traducir y distancia angular
Cambiar los datos en Wikidata
LA PARALAX. Dos observadores, n'A y en B ven a O en posiciones distintes respeutu al fondu, per aciu de la paralax.

Conceutu[editar | editar la fonte]

La paralax (Griegu: παραλλαγή (parallagé) = alteriamientu) ye la esviación angular del allugamientu aparente d'un oxetu, dependiendo del puntu de vista escoyíu.

Defínese como l'ángulu formáu pola direición de dos visuales relatives a la observación d'un mesmu oxetu dende dos puntos distintos, suficientemente allonxaos ente sí y non alliniaos con él. Tamién suel emplegase esti términu pa referise a la distancia a les estrelles.

Como amuesa la figura, la posición del oxetu adicáu, n'O, varía cola posición del puntu de vista n'A o en B, al proyeutar O escontra un fondu enforma allonxáu. Dende A l'oxetu adicáu parez tar a la drecha de la estrella llonxana, metantu que dende B se ve a la izquierda d'ésta.

L'ángulu AOB ye l' ángulu de paralax: ángulu qu'abarca'l segmentu AB dende O.

L'efeutu de paralax, compruébase cenciellamente, poniendu un deu de la mano enfrente nueso. Zarramos un güeyu y allupamos col abiertu pal deu, decatándonos de la posición qu'esti tien con respeutu al fondu (una paré, por exemplu). Agora abrimos el güeyu, zarrando l'otru. Si blizcamos alternativamente los güeyos, el deu paez cambiar de posición respeutu del fondu.

Paralax n'Astronomía[editar | editar la fonte]

Paralax añal.

N'Astronomía defínense dellos tipos de paralax:

Paralax añal.- Máximu valor aparente que pue adquirir la posición d'una estrella dada nel trescursu d'un añu, por mor de la posición variable de la Tierra na so órbita alrodiu del Sol.

Paralax horizontal.- Ye l'ángulu baxo'l que se vería'l radiu de la Tierra dende un astru, cuando ésti s'alcuentra nel horizonte. Si l'observador s'alluga nel ecuador, entós esta paralax recibe'l nome especial de paralax horizontal ecuatorial. El valor ye máximu nel ecuador de la Tierra y varía cola llatitú, al nun ser la Tierra dafechu esférica.

Paralax trigonométrica.- Ye l'ángulu baxo'l que se ve'l radiu de la órbita de la Tierra, dende una estrella a una distancia normalizada d' 1 unidá astronómica y s'espresa en segundos d'arcu. La distancia a la estrella ye'l inversu de la paralax trigonométrica espresáu en parsec; ye dicir, que cuando se diz que la paralax d'Antares ye de 0"019, ésta alcuéntrase a 52,632 parsec o 171,66 años lluz.

Paralax solar.- Ángulu baxo'l que se ve'l radiu ecuatorial de la Tierra dende'l centru del Sol. Val 8,794148".

Paralax llunar.- Ángulu baxo'l que se ve'l radiu ecuatorial de la Tierra dende'l centru de la Lluna. Val 57' 02,608".

Ver tamién[editar | editar la fonte]


Referencies[editar | editar la fonte]

Enllaces esternos[editar | editar la fonte]