Nymphenburg

De Uiquipedia
Saltar a: navegación, buscar
Nymphenburg vorne 1.jpg

El Palaciu de Nymphenburg d'estilu barrocu alcuéntrase na capital bávara, Munich, na república federal d'Alemaña.

El Palaciu féxolu l'elleutor Fernando I Maria de Baviera y la so muyer, la princesa Enriqueta Adelaida de Savoya dempués de la ñacencia del so fíu, el futuru elleutor Maximilianu II Manuel de Baviera. L'arquiteutu del proyeutu foi l'italianu Agostino Barelli. Sicasí, la obra nun s'entamó fasta l'añu 1701 y dirixóla personalmente Maximilianu Manuel creando un riestru de pabellones que xuntos finaríen por formar el palaciu de Nymphenburg.

Otros monarques que tamién participaron nel engrandecimientu y ennoblecimientu del castiellu bávaru foron l'emperador Carlos VII, emperador romanoxermánicu. A lo llargo de munchos años foi la residencia de branu de la familia real bávara. En Nymphenburg ñaz el rei Lluis II de Baviera y muerre'l rei Maximilianu I Xosé de Baviera.

A lo llargo de los tiempos el palaciu y el parque del castiellu de Nymphenburg devinieron ún de los llugares más conocíos y reconocíos de la capital bávara. Munches de les habitaciones del palaciu caltienen la decoración que los estremaos monarques-yos dieren, ente los que rescampla la Galería de les Guapures, sala na que s'amuesen una serie de cuadros del rei Lluis I de Baviera, qu'a xuiciu de so representaben les muyeres más atractives del momentu. Tamién tien importante consideranza'l muséu de les carroces y la presencia de porcelanes propies de los talleres de Nymphenburg.

El parque de 200 acres (800.000 metros cuadraos) tien delles construcciones destacables ente les que rescampla'l Pagodenburg.

Nymphenburg Palace
Wikimedia Commons tien archivos rellacionaos con: