Nel Pozu María Luisa
Nel Pozu Maria Luisa (tamién conocía como Santa Bárbara o Santa Bárbara bendita) ye un cantar tradicional de los mineros asturianos y llioneses.
[editar] El cantar
El sen murniu de la lletra, xuníu al envís tráxicu y heróicu de la partitura, que munches vegaes interprétase a capella por un coru de paisanos, fizo d'esti cantar un símbolu de la minería asturiana y de la minería en xeneral. Emplegáu delles vegaes como un himnu de la clase obrera, el cantar usóse abondo na Revolución Asturiana de 1934 y na Guerra Civil Española.
La lletra fala del dolorosu tornar a casa d'un mineru, entafarráu nel sangre de los sos collacios mineros, que-y cuenta a so muyer (Maruxina) d'un accidente nel perconocíu Pozu Maria Luisa allugáu en Ciañu, Llangréu.
La minería del carbón alcuéntrase n'Asturies dende'l sieglu XVIII y foi ún de los afitos económicos más importantes na economía asturiano. El trabayu de mineru ye conocíu como ún de los más peligrosos qu'hai, morriendo centenares de mineros nes mines asturianes dende antañu, lo que fai del accidente na mina un acontecimientu abegosu y común n'Asturies.
Anguaño, Santa Bárbara considérase un cantar perimportante nel repertoriu de música tradicional asturiana y ye interpretáu abondo. N'Asturies, ye vezu cantar o sentir el himnu en funerales, homenaxes y tributos.
[editar] Lletra
- Nel pozu María Luisa
- Trailarai larai, trailarai
- Nel pozu María Luisa
- Trailarai larai, trailarai
- Morrieron cuatro mineros
- mirái, mirái Maruxina, mirái
- mirái como vengo yo
- Traigo la camisa roxa
- Trailarai larai, trailarai
- Traigo la camisa roxa
- Trailarai larai, trailarai
- De sangre d'un compañeru
- Mirái, mirái Maruxina, mirai
- mirái como vengo yo
- Traigo la cabeza rota
- Trailarai larai, trailarai
- Traigo la cabeza rota
- Trailarai larai, trailarai
- Que me la rompió un barrenu
- Mirái, mirái Maruxiña, mirái
- mirái como vengo yo
- Santa Bárbara bendita
- Trailarai larai, trailarai
- Santa Bárbara bendita
- Trailarai larai, trailarai
- patrona de los mineros
- Mirái, mirái Maruxina, mirái
- mirái como vengo yo
- Patrona de los mineros
- Mirái, mirái Maruxina, mirái
- mirái como vengo yo
[editar] Enllaces esternos
- Cantar fechu por Nuberu, en youtube.com (fanvid)
- Versión en castellán fecha por coru de paisanos
