Miou
| Miou | |
|---|---|
 |
|
| Llocalización | |
| Xeografía | |
| Comunidá: |  Principáu d'Asturies |
| Conceyu: |  A Veiga |
| Partíu xudicial | Castropol |
| Parroquia | A veiga (parroquia)|A Veiga |
| Población • Habitantes |
(2011) 111 hab.[1] |
| Altitú | 60 m |
Miou ye una pequeña localidá asitiada nuna campa a 60 metros d'altitú, al oeste de la parroquia d'A Veiga, nel conceyu del mesmu nome. Les cases del pueblu alcuentrense concentraes formando les vinientes cais: cai d'A Veiga y Louteiro, cai da Cruz, calle d'abaxo, cai d'A Costa y cai da Cancela.
Nel pueblu hai un total de 111 habitantes (INE 2011) distribuíos en 55 viviendes unifamiliares. Cunta con una escuela pública que tuvo abierta fasta'l cursu 2004/2005.
La so economía básase principalmente nel seutor secundariu y de servicios.
Tien un clima sele y agradable, llentu y moderáu pola proximidá de la mar.
El regatu del Louteiro, afluente del ríu Eo, separta a la población del mesmu nome de Miou.
[editar] El Camín de Santiagu al so pasu per Miou
Miou ye ún de los pueblos que'l pelegrín a Santiagu ha cruciar si quier siguir el Camín de tierra adientro, qu'entamaba en Barres (Castropol) y furrulaba con total seguridá, yá que yera'l Camín Real que trescurría per Ferradal, Piñera, Silvayana, San Román del Monte y pasada A Veiga aportaba a Miou y a la so capiella de Santa Leocadia. El camín continúa y aporta a Louteiro, pueblu a 1 quilómetru de Miou, onde foi fundáu'l santuariu de La Nuesa Señora de los Remedios y la capiella limosneru de Las Ánimas.
Nel pasáu los pelegrinos podíen tomar descansu nel Mesón de la Sela de Murias, asitiáu sobre una llomba, que yera pergrandes proporciones, pero anguaño namás que queden vestixos. Siguiendo esti itinerariu aportase a A Ponte Veya (La Ponte Vieya), accesu a Galicia y demientres sieglos única ponte esistente na zona baxa del Eo.
Por Miou pasaba tamién el Camín de los Arrieros, importante vía de comunicación y intercambiu a lo llargo de tola Edá Moderna.
[editar] Sienda de la Ría del Eo
L'itinerariu que sigue la ruta trescurre dende la villa d'A Veiga fasta la localidá de Miou, y d'ehí a Louteiro. El regresu a A Veiga faise pela marxen drecha del ríu. Asina fasta percorrer una distancia de 4,5 quilómetros.
- El primer tramu de la sienda aprovecha les carreteres esistentes y ye mixtu, autu tantu pa peatones como pa vehículos, anque nesta vía la circulación ye perpoca.
- El segundu tramo ye un camín de tierra qu'escomienza en Louteiro, baxa fasta'l borde de la ría, al enclave onde se tien habilitada una faza de baños. Nesti puntu recuperose un antiguu embarcaderu.
Darréu, la sienda trescurre per un humedal, que s'irgue en metanes del paisaxe fluvial y que se salvó cola construcción d'un pantalán de madera, pa torgar que'l transu de persones afeute al ecosistema natural de la ría.
La sienda atraviesa'l regatu del Louteiro y regresa a continuación a Miou.
