Manuel de Falla

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Manuel de Falla

Manuel de Falla y Matheu (Cádiz, 23 de payares de 1876 - Alta Gracia, Arxentina, 14 de payares de 1946), compositor español de música clásica.

Nació en Cádiz. Nos caberos años de la década de 1890 estudió música en Madrid, pianu con José Tragó y composición con Felipe Pedrell. Foi con Pedrell col que Falla entamó a interesase pola música tradicional española, particularmente pol flamenco andaluz, que influyo-y enforma en bien de los sos trabayos.

Pente les sos primeres obres hai delles zarzueles, pero la primera obra valoratible foi la ópera d'un actu La vida breve, escrita en 1905 y iguada en 1913 enantes del so estrenu.

Falla pasó ente 1907 y 1914 en París, au conoció bien dellos compositores que-y influyeron nel estilu, como los impresionistes Maurice Ravel, Claude Debussy y Paul Dukas. De toles menes, la so creyación musical foi ruina nesta etapa, hasta la so vuelta a Madrid al aniciu de la Primera Guerra Mundial.

En Madrid escribiera bien delles de les sos obres cimeres, incluyendo:

  • El nocturnu pa pianu y orquesta Noches en los jardines de España (Nueches nos xardinos d'España, 1916)
  • El ballet El amor brujo (L'amor bruxu, 1915) que inclui el perconocíu Ritual de la Danza'l Fueu
  • El ballet El corregidor y la molinera que, tres de ser revisáu, camudó'l títulu pol de El sombrero de tres picos (1917)

De 1921 a 1939, Manuel de Falla vivió en Granada, au escribiere la ópera bufa El retablo de maese Pedro (1923) y un conciertu pa orquesta de cámara y clavecín (1926). Nestos trabayos, el folclor andaluz tien menos influyencia.

Tamién en Granada, entamó'l llabor de componer la pieza coral La Atlántida (Atlantis), basada nun textu de Jacinto Verdaguer, que continuó dempués de colar pa Arxentina en 1939. La obra, por embargu, foi finada tres la muerte de Manuel de Falla por Ernesto Halffter.

Manuel de Falla colo pa América al finar la Guerra Civil Española. Pente'l conflictu, trató d'impedir, ensin ésitu, que'l so collaciu Federico García Lorca fuera fusiláu pol bandu nacional. Morrió nel esiliu arxentín en 1946. Un añu dempués los sos restos foron treslladaos a España y enterraos na catedral de Cádiz.

Enllaces esternos[editar | editar la fonte]