Machete

De Uiquipedia

Un machete ye un cuchiellu grande pero más curtiu qu'una espada. Comúnmente midi menos de 60 cm y tien namái un filu. Utilízase pa segar la yerba, cortar la caña de zucre, podar plantes y abrise pasu na selva.

Davezu, el filu ye peragudu nel terciu de cuchiella más averáu a la punta. La punta del machete sobresal lixeramente penriba'l restu de la cuchiella. El frente del machete ye curviu.

Tamién esiste otru tipu de machete cuyu frente ye puntiagudu y s'afila'l terciu final de la cuchiella per dambes orielles. Especialmente usáu pa cortar maleza y segar yerba.

[editar] Variantes del machete

• El bolu filipín ye una ferramienta perasemeyada, pero la so fueya ensánchase al llegar a la punta, pa facelo más pesáu nel estremu pa cortar. Usóse como arma demientres la Revolución filipina escontra los españoles, y posteriormente foi l'arma representativa de les guerrilles na guerra filipino-americana.
• El golok indonesiu, con fueya más curtia y gruesa y una empuñadura básica (más efeutivu en vexetación arbolada).
• El kukri nepalés ye una fueya curvia que s'usa a menudu pa tarees asemeyaes.
• El panga (swahili) ye una variante con una fueya más ancha, que s'utiliza n'África oriental.
• El parang malasiu, de fueya curtia y ancha (pa cortar vegxetación).
• El charapu Andes Venezolanos, de fueya ancha y curva (pa tou tipu de trabajos).
• La rula Andes Venezolanos y Colombianos, más lixero y flexible, úsase na fastera colombiana.