Laozi

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
Lao Tzu, en Myths and Legends of China, 1922 por E. T. C. Werner

Lao Tzu (老子 Lǎozi, tamién escritu y pronunciáu Lao Zi o Lao Tsé), foi un filósofu chinu que vivió haza'l sieglu VII edC. Atribúise-y l'autoría de la obra fundadora del Taoísmu: el Tao Te King.

Pa dellos, Lao Tzu ye un personax míticu, y nun se conoz abondo de la so vida. El so nome, más un alcuñu, podría tornase como "El mozu vieyu" (Lao: Vieyu, Tze: Mozu), si bien tamién se correspuende con una graduación nobiliaria asemeyada al occidental 'vizconde'. La lleenda cuenta que naciera embaxo una nisal, dempués de 81 años de xestación, con llargues barbes y pelo blanco, daqué que considerase una metáfora de l'antigüedá del taoísmu, anterior a la redaición del Tao Te King.

Lao Tzu, según la tradición china, nació al rodiu del 600 edC na moderna provincia d'Honán, y trabayó bien d'años como bibliotecariu real. Dempués de Confucio, nengún exerció tan grande influyencia nel pensamientu y na historia de China como Lao Tzu, tradicionalmente consideráu fundador del movimientu filosóficu taoísta. El so contautu colos llibros y la so sabencia personal indúxo-y a crear una doctrina de calter panteísta según la que’l Tao, el camín, ye l'entamu material y espiritual, creador y ordenador del mundu. Nel tarrén práuticu encamentó la vida contemplativa y el desaniciu de cualquier arranamientu.