LH54-425
 LH54-425 | |
|---|---|
| estrella | |
 | |
| Parte de | Gran Nube de Magallanes |
| Datos d'observación | |
| Ascensión reuta (α) | 81,60104375 °[1] |
| Declinación (δ) | −67,50477611 °[1] |
| Magnitú aparente (V) | 13,13 (banda V) |
| Constelación |
Dorado (es)  |
| Velocidá de rotación | 197 km/s |
| Tipu espectral | O3V+O5V[3] |
 | |
Coordenaes: 
5h 26m 24.251s, -67° 30′ 17.194″
LH54-425 ([L72] LH 54-425 / [O96] L54S-4)[4] ye una estrella binaria na constelación de Doráu asitiada na Gran Nube de Magallanes, galaxa vecina que s'atopa a unos 170.000 años lluz de distancia.
LH54-525 ye unu de los sistemes binarios conocíos más estremos. Los sos dos componentes, estrelles bien calientes y lluminoses de tipu espectral O, tienen una masa de 62 y 37 mases solares respeutivamente. La separación ente elles ye de namái 0,17 UA, orbitando alredor del centru de mases común cada 2,25 díes. La edá probable del sistema ye inferior a 3 millones d'años.[5]
Dende caúna de les estrelles del sistema sopla un fuerte vientu estelar. La zona de choque de los vientos supersónicos de caúna d'elles envolubra a la estrella más pequeña, produciendo una superficie curvada de gases sobrecalentados qu'emiten rayos X y radiación nel ultravioleta alloñáu. La estrella más masiva pierde material a un ritmu de 500 billones de tonelaes por segundu —cerca de 400 más que la perdida de masa del Sol al traviés del vientu solar— a una velocidá de 8,7 millones de km/h. La perda de masa estelar de la estrella más pequeña ye diez veces menor que la de la so compañera.[6] Conforme les estrelles avieyen y aumenten de tamañu, van empezar a tresferise cantidaes substanciales de masa ente elles, procesu que podría empezar nun millón d'años. La proximidá ente dambes probablemente provoque la so fusión nuna única estrella desaxeradamente masiva, comparable a la componente principal de η Carinae. Finalmente'l sistema va dar llugar a una supernova de gran enerxía.
Ver tamién[editar | editar la fonte]
Referencies[editar | editar la fonte]
- ↑ 1,0 1,1 M. Sewilo (20 agostu 2009). «Spitzer SAGE infrared photometry of massive stars in the Large Magellanic Cloud». The Astronomical Journal (4): páxs. 1003–1021. doi:.
- ↑ Afirmao en: SIMBAD.
- ↑ «The masses, and the mass discrepancy of O-type stars» (n'inglés). Astronomy and Astrophysics: páxs. 98–98. 25 payares 2010. doi:.
- ↑ O96 L54S-4 (SIMBAD)
- ↑ LH54-425 (jumk.de/astronomie)
- ↑ NASA's FUSE Satellite Catches Collision of Titans (NASA)
Coordenaes: 5h 26m 24.251s, -67° 30′ 17.194″
Datos: Q1077183