Juan Ponce de León

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Ponce nun cuadru anónimu del sieglu XVI.

Juan Ponce de León (Santervás de Campos, Valladolid, 1460 [1] - Cuba, 1521), conquistador castellanu de Puerto Rico y descubridor de la Florida.

Yera d'ascendencia noble, foi paxe na corte de Fernandu'l Católicu y lluchó na conquista de Granada. Hai duldes sobre si'l so primer viaxe p'América fíxolu con Cristóbal Colón (en 1493) o con Nicolás de Ovando (en 1502). De toles maneres, trabayo con ésti na conquista de La Española o Santo Domingo (actuales República Dominicana y Haití) y mandó-y conquistar la islla de San Juan o Borinquén (actual Puerto Rico) en 1508. A la escontra de la opinión de Diego Colón, consiguió ser nomáu gobernador en 1510. La islla sometióla ensin dificultá, gracies a la conversión del cacique Agüeibana; Ponce de León pudo dedicase a la fundación de ciudaes y a la esplotación d'oru. Pero, depués de morrer Agüeibana, los indios subleváronse escontra la dominación española y el réxime d'encomiendes, que los obligaba a trabayos forzaos. Depués d'una dura llucha, Ponce de León impúnxose a los nativos y tomó represalies sangrines.

Más sero descubrió una estaya al norte a la que nomó La Florida, darréu que foi descubierta'l día de Domingu de Resurreición, (Pascua Florida, en castellanu), por cayer siempres nos entamos de la primavera.

Pasóse'l restu de la so vida guetando la fonte de la eterna mocedá que, según una lleenda, s'afayaba nesi llugar.[2]

Referencies[editar | editar la fonte]

  1. Webster's Biographical Dictionary, 1ª edición, 1961, G & C. Merriam Co., p. 1200. La fecha de nacencia de Ponce de Lleón ye incierta
  2. El Día de la Pascua Florida, el 2 d'abril, ye fiesta declarada en Florida