Calendariu gregorianu
De Uiquipedia
El calendariu gregorianu ye'l calendariu actualmente utilizáu na mayor parte del mundo. Concebíu por un ensamu de científicos baxo la direcíón de Christophorus Clavius pa correxir la deriva secular del calendariu xulianu, utilizáu dende que Xulio César lu instaurase nel añu 46 edC[1]. La so denominación lleva'l nome del so impulsor Gregoriu XIII, papa de 1572 a 1585. El so puntu de partida, l'añu 1, correspuende al añu estimáu como'l del nacimientu de Xesús.
[editar] Historia
La reforma gregoriana naz de la necesidá de llevar a la práctica unu de los acuerdos del Conciliu de Trento: el d'axustar el calendariu pa desaniciar el desfase producíu dende un conciliu anterior, el I Conciliu de Nicea, de 325,[2] nel que s'afitara'l momentu astral en que debía celebrase la Pascua y, con relación a ésta, les demás fiestes relixoses móviles. Lo qu'importaba yera la regularidá del calendariu llitúrxicu, pa lo que yera necesario introducir delles correcciones nel civil. Nel fondo, el problema yera acomodar el calendariu civil al añu trópicu.
Nel I Conciliu de Nicea determinóse que se conmemorase la Pascua el domingu siguiente al plenilluniu posterior al equinocciu de primavera (nel hemisferiu norte; equinocciu de seronda nel hemisferiu sur). Aquel añu 325 l'equinocciu ocurriera'l día 21 de marzu,[3] pero col pasu del tiempu la fecha del eventu fuera adelantándose hasta'l puntu de que en 1582, el desfase yera yá de 10 díes, y l'equinocciu fechóse en 11 de marzu.
Error de cita: <ref> tags exist, but no <references/> tag was found
