Jean-Paul Belmondo

De Uiquipedia
Saltar a: navegación, buscar
Jean-Paul Belmondo

Jean-Paul Belmondo (Neuilly-sur-Seine, 9 d'abril de 1933) ye un actor francés de cine y teatru. Igualmente foi productor de cine y director de teatru. Alternando'l xéneru popular y los films d'autores, convirtióse en dellos años nuna de les más grandes estrelles del cine francés, campeón indiscutible de la taquilla lo mesmo que Louis de Funès y Alain Delon nel mesmu tiempu. En cincuenta años de carrera, llevó a les sales cerca de 130 millones d'espectadores.


Trabayó baxo la direción de grances realizadores franceses, como Alain Resnais, Henri Verneuil, Jean-Luc Godard, Claude Chabrol, François Truffaut, Claude Sautet, Jean-Pierre Melville, Claude Lelouch, Georges Lautner o Gérard Oury asina como con dellos directores estranxeros como Vittorio De Sica. Un gran númberu de los sos films convirtiéronse en clásicos del cine francés, como Le Professionnel, Borsalino, À bout de souffle, Le Magnifique, Un singe en hiver, Pierrot le fou, Le Cerveau o L'As des as.

Retiráu del cine por problemas de salú, volvió nel añu 2009 con Un homme et son chien.

Biografía[editar | editar la fonte]

Mocedá y formación[editar | editar la fonte]

Jean-Paul Belmondo nació en Neuilly-sur-Seine, el 9 d'abril de 1933. So Padre, Paul Belmondo, d'orixe piamontés y sicialianu foi un escultor de sonadía. Na so infancia conoció delles privaciones, ya que so padre malvivía del so arte nel contestu de la Segunda Guerra Mundial y de la ocupación alemana[1].

Indisciplináu y poco inclináu a los estudios, Jean-Paul Belmondo apasiónase de bien mozu pol boxéu, el fútbol, los coches y el ciclismu, dedicándose al boxéu como amateur, teniendo un curtia carrera con cuatro victories y una pelea nula en nueve combates [2].

Referencies[editar | editar la fonte]

  1. Gilles Durieux, Belmondo, Le Cherche-midi, 2009, páxines 10-14
  2. Gilles Durieux, Belmondo, Le Cherche-midi, 2009, páxina 22