Islla de patoxenicidá

De Uiquipedia
Saltar a: navegación, buscar

Les Islles de Patoxenicidá (PAIs, del inglés Pathogenicity islands) son una clas distintiva de les islles xenómiques adquiríes por tresferencia horizontal.

Son incorporaes al xenoma de mocroorganismos patoxénicos, anque davezu tan ausentes d'esos organismos non patoxénicos de la mesma especie o una perprósima. Davezu ocupen grandes rangos o rexones xenómiques de 10-200 kb y codifiquen xenes que contribúin a la virulencia del patóxenu respeutivu. Exemplos típicos son fautores d'adherencia, toxines, sistemes de captación de fierru, fautores d'invasión y sistemes de secreción.

Les islles de patoxenicidá son unidaes xenétiques discretes flanqueaes por secuencies repetitives, secuencies d'inserción o xenes codificantes de tRNA, que son sitios de recombinación nel DNA. Los xenes crípticos de movilidá también puen presentase, indicando la procedencia de la tresducción.

Propiedaes de les Islles de Patoxenicidá[editar | editar la fonte]

1. Lleven xenes codificando un o dellos fautores de virulencia: adhesines, toxines, invasines, etc.

2. Atópense nel cromosoma bacterianu o puen ser parte d'un plásmidu

3. El conteníu en G+C nes islles davezu estrémase del del xenoma[1]

4. Tan flanqueaes por repeticiones direutes: les secuencies de bases a dambos finales ye la mesma.

5. Tan asociaes con xenes codificantes de tRNA, que van a sitios d'integración de DNA

6. Poseen xenes funcionales, i.e. integrasa, tresposasa, o parte de secuencies d'inserción.

7. Representen rexones inestables de DNA. Puen dir d'un locus de tRNA a otru, o desaniciase.

8. Los llugares d'integración específica tan mediaos por integrasa recombinasa

Exemplos[editar | editar la fonte]

  • La islla de patoxenicidá de les fimbries P de la Escherichia coli uropatoxénica contién fautores de virulencia como hemolisina, pili y el fautor necróticu citotóxicu
  • La islla I d'alta patoxenicidá de Yersinia pestis tien xenes regulando la captación y almacenax de fierru
  • Sitios SP1 y SP2 de Salmonella

Fechos sobre les Islles de Patoxenicidá[editar | editar la fonte]

Una especie concreta de bacteria pue tener más d'una islla de patoxenicidá (i.e. Salmonella tien al menos 5). Estes islles s'atopen mayoritariamente en célules gram negatives, anque tamién se tienen visto en delles célules gram positives. S'atopen en patóxenos qu'autúen por tresferencia plasmídica, de fagu o un la conxugación d'un tresposón. Tresfiérense per tresferencia horizontal de xenes.

Enllaces esternos[editar | editar la fonte]

Referencies[editar | editar la fonte]

  1. Hacker J, Kaper JB., Pathogenicity islands and the evolution of microbes. Annu Rev Microbiol. 2000 ;54:641-79 http://www.ncbi.nlm.nih.gov/pubmed/11018140?dopt=Abstract