Hyde Park

De Uiquipedia
Saltar a: navegación, buscar
Hyde Park ca. 1833

Hyde Park ye un de los parques más grandes nel centru de Londres, Inglaterra, y un de los Parques Reales de Londres, famosu polos sos Speakers' Corners.

El parque ta dividíu en dos pol Llagu Serpentine. El parque ye contiguu a los Kensington Gardens o xardines Kensington, que pesie a que sigue asumiéndose que son parte de Hyde Park, téunicamente foren separtaos en 1728, cuando la Reina Carolina fexo una división ente dambos. Hyde Park tien 350 acres (140 hectárees/1.4 km²) y los Kensington Gardens 275 acres (110 ha/1.1 km²), sumando en total un ária de 625 acres (250 ha/2.5 km²), faciendo d'esti parque mayor que'l Principáu de Mónaco (1,96 kilómetros cuadraos -o 485 acres-), anque aínda menor que Central Park (3,41 kilómetros -o 843 acres-). Haza'l sudeste (anque fuera del parque) ta Hyde Park Corner. Pesie a too, dimientres les hores de lluz dambos parques combínense a la perfeición, y Kensington Gardens pieslla al anochecer dimientres que Hyde Park caltiénse abiertu tol añu dende les 5 la mañana fasta les medianueche.

El parque foi au s'asocedió la Gran Esposición de 1851, pa la que foi diseñáu el the Crystal Palace por Joseph Paxton.

El parque tiense convertío nun puntu de partida d'ensames y manifestaciones. Los cartistes, la Lliga Reformista, los sufraxistes y la Coalición Stop The War tienen fecho protestes públiques nesti llugar. Munchos manifestantes na Marcha de la Llibertá y el Sustentu en 2002 entamó en Hyde Park.

El 20 de xunetu de 1982 nes esplosiones de Hyde Park y Regents Park, dos bombes del IRA causaron la muerte d'ocho miembros de la Household Cavalry y la Royal Green Jackets, asina como la de siete caballos.