Graciano Antuña

De Uiquipedia
Saltar a: navegación, buscar

Graciano Antuña Álvarez (L'Entregu, 1903 - Ḷḷuarca, 13 de mayu de 1937) foi un hestóricu socialista asturianu.

Graciano Antuña nació en 1903 en L'Entregu daquella denomáu Ciañu-Santa Ana. De mui mozu ingresó nel Sindicato de Obreros Mineros de Asturias(SOMA).

En 1932 foi escoyíu secretariu del SOMA y en xineru de 1934 presidente de la Federación Socialista Asturiana(FSA). En representación d'esta participó nos Conceyos que ficieron l'Alianza Obrera asturiana, compromisu firmáu por el, ente otros el 28 de marzu de 1934.

Graciano Antuña tuvo una destacada participación na Revolución de 1934 esiliándose en Francia tres la derrota. Incluyíu na candidatura del Frente Popular nes eleiciones de 1936, salió escoyíu diputáu al congresu. Tornando a Asturies cola victoria del Frente Popular.

Tres el llevantamientu de la guarnición d'Uviéu al mandu del Coronel Aranda 'l 19 de xunetu de 1936 nun quixo, o nun pudo, salir de la ciudá. Na mañana del 20 de xunetu foi deteníu y lleváu a la cárcele modelu d'Uviéu. El 23 de marzu de 1937 foi conducíu a Ḷḷuarca onde sedrá fusiláu el 13 de mayu de 1937 delantre les tapies del cementeriu de la villa.