Gloria Talbott

Gloria Talbott
Vida
Nacimientu	Glendale, 7 de febreru de 1931
Nacionalidá	Estaos Xuníos
Llingua materna	inglés
Muerte	Glendale, 19 de setiembre de 2000 (69 años)
Sepultura	San Fernando Mission Cemetery (en)
Causa de la muerte	insuficiencia renal
Estudios
Estudios	Glendale High School (en)
Llingües falaes	inglés
Oficiu	actriz, actriz de televisión, actriz de cine
IMDb	nm0847993

Gloria Talbott (7 de febreru de 1931, Glendale – 19 de setiembre de 2000, Glendale) foi una actriz cinematográfica y televisiva d'Estaos Xuníos.

Biografía[editar | editar la fonte]

Talbott nació en Glendale (California), siendo la so hermana la tamién actriz Lori Talbott.

Gloria Talbott empezó la so carrera como actriz infantil en filmes como Maytime (1937) Sweet and Lowdown (1943) y A Tree Grows in Brooklyn (1945).

Remataos los sos estudios, Talbott formó un grupu dramáticu ya intervieno en diversos shows llevaos a cabu en clubes. Al casase dexó d'actuar pero, en divorciándose, retomó la so carrera y trabayó estensamente pal cine y pa la televisión. Na década de 1950 la so actividá foi constante, interviniendo en producciones como Crashout (Fuga sangrienta) (1955), We're No Angels (No somos ángeles) (1955, comedia con Humphrey Bogart) y All That Heaven Allows (Namái'l cielu saber) (1955).

Talbott foi más palantre conocida como una 'reina del berru' n'actuando en distintos filmes d'horror como Daughter of Dr. Jekyll (1957), The Cyclops (1957), y I Married a Monster from Outer Space (1958).

Pa la televisión trabayó en diverses producciones, ente elles les siguientes: The Cisco Kid; la serie western de la NBC Frontier; Sheriff of Cochise, show protagonizáu por John Bromfield; el drama sobre la Guerra Civil de los Estaos Xuníos Gray Ghost; Whispering Smith, producción western de la NBC de 1961, nel papel de Cora Gates, con Robert Redford interpretando al so home, Johnny Gates; episodiu "The Incident of the Calico Gun", perteneciente a la serie de CBS Rawhide; The Brothers Brannagan, programa nel que trabayó con Robert Harland na entrega de 1961 "Terror in the Afternoon"; Gunsmoke, serie na qu'intervieno en tres capítulos: "Home Surgery", "Cody's Code" y "The Cousin"; "Superman" y, finalmente diversos episodios de Perry Mason.

Casada en cuatro causes, Gloria Talbott finó por causa d'una insuficiencia renal en Glendale (California) nel añu 2000. Foi soterrada nel Campusantu San Fernando Mission de Mission Hills, Los Angeles.

La so fía Mexa Mullally, nacida del so matrimoniu con Steven J. Capabianco, ganó tres medayes d'oru en competiciones de patinaxe sobre xelu.

Referencies[editar | editar la fonte]

↑ ^1,0 ^1,1 Afirmao en: Find a Grave. Identificador Find a Grave: 6842538. Apaez como: Gloria Talbott. Data de consulta: 9 ochobre 2017. Llingua de la obra o nome: inglés.

Enllaces esternos[editar | editar la fonte]

Gloria Talbott na Internet Movie Database (n'inglés)
«Gloria Talbott». en Find a Grave. (n'inglés)

[7e26cb7b3718d15ef9f7de1e088b5b4e61ffbbd5-1] 1,0 ^1,1 Afirmao en: Find a Grave. Identificador Find a Grave: 6842538. Apaez como: Gloria Talbott. Data de consulta: 9 ochobre 2017. Llingua de la obra o nome: inglés.

[1]