François Hollande

De Uiquipedia
Saltar a: navegación, buscar
François Hollande

François Gérard Georges Nicolas Hollande
Orde: 24u Presidente de Francia
Mandatu: del 15 de mayu de 2012 al anguaño
Predecesor: Nicolas Sarkozy
Socesor: nel cargu
Nació'l: 12 d'agostu de 1954
Nació en: Rouen, Francia
Pareya: Ségolène Royal (ex)
Valérie Trierweiler
Profesión: abogáu y políticu
Partíu políticu: Parti Socialiste

François Gérard Georges Nicolas Hollande (n. 12 d'agostu de 1954) ye un políticu francés. Dende'l 15 de mayu de 2012 ye'l 24u presidente de la República Francesa, Copríncipe d'Andorra y gran mestre de la Lexón d'Honor. Foi, amás, dirixente del Partíu Socialista y alcalde de Tulle (Corrèze). Ente 1997 y 2008 desempeñó'l cargu de primer secretariu del PS. Dende los años 70 hasta 2007 foi pareya de Ségolène Royal, cola que tien 4 fíos, tamién dirixente socialista y candidata a la presidencia de Francia en 2007. Compitió nes primeres primaries ciudadanes entamaes pol Partíu Socialista y el Partíu Radical d'Esquierda. El 16 d'ochobre de 2011 elixéronlu candidatu socialista pa les eleiciones presidenciales de 2012 en Francia col 56% de los votos.