Euskal Herria

De Uiquipedia
Saltar a: navegación, buscar

Euskal Herria o Vasconia (que significa lliteralmente "País del euskera"[1]) ye un conceutu qu'evolucionó al planu antropolóxicu y cultural pa referise a los territorios nos que se fala o falaba euskera.

Anguaño refierse a los siete territorios históricos d'Álava (n'euskera, Araba), Baxa Navarra (Nafarroa Beherea), Guipúzcoa (Gipuzkoa), Labort (Lapurdi), Navarra (Nafarroa), Vizcaya (Bizkaia) y Sola (Zuberoa), repartíos nos estaos español y francés. Les provincies na España nómense Hegoalde ("Zona sud") y les provincies nel Estáu Francés, Iparralde ("Zona norte").

Zones vascofalantes d'Euskal Herria

Ye reseñable, de toes formes, que les afinidaes ente estos territorios tienen raigaños más bien históricos y culturales que llingüísticos, yá que nin tolos territorios nos que se faló euskera en tiempos históricos se consideren pertenecientes a Euskal Herria (euskera se faló en La Rioja, nordeste de Burgos, valles pirenaicos oscenses) nin en tolos territorios d'Euskal Herria falóse euskera en tiempos históricos (les Encartaciones y la marxe izquierda de la boca'l Nervión son castellanufalantes dende va sieglos y na Ribera de Navarra perdióse cola llegada del Imperiu Romanu [2], o los territorios de la depresión vasca, onde, según delles teoríes, como la de la vasconización tardía, la "euskaldunización" foi mientres l'Alta Edá Media).

El términu "Euskal Herria" apaez por vez primera n'escritos nel sieglu XVI[3], concretamente en 1567 por Joan Pérez Lazarraga y en 1571 por Joannes Leizarraga. Entama ser emplegáu en castellán fundamentalmente de magar el sieglu XIX, si bien el exónimu en castellán más frecuente fo históricamente el de Vasconia[4].

Tamién se-y noma Euskalerria, Euskalerría, Eskualerria o Vasconia.

Situación d'Euskal Herria

Usu políticu del términu[editar | editar la fonte]

El conceutu d'Euskal Herria tuvo, n'orixe, una dimensión exclusivamente cultural, yera'l mou en que los vascofalantes de magar el sieglu XVI[1] denomen históricamente a los territorios nos que se falaba la so llingua.

La bandera basca o ikurriña

Col españíu del nacionalismu vascu a partir de finales del sieglu XIX, dase-y tamién una dimensión política yá qu'esti, estos territorios constitúin el solar de la "nación vasca" y Pamplona (Navarra) sedría la so capital.[5].


L'usu político del términu Euskal Herria pol nacionalismu vascu ye, de toes maneres, reciente, yá qu'enantes avezábase l'usu del neoloxismu Euskadi, inventáu por Sabino Arana.

Xeografía[editar | editar la fonte]

Mapa de los territorios que constitúin Euskal Herria (nomes de los territorios n'euskera)

Una superficie de 20.664 km² nel vértiz occidental de los Pirineos nel Golfu de Vizcaya. Una población d'aproximadamente 3.000.000 de persones, de los qu'alredor de 2.500.000 tienen ciudadanía española y el resto, francesa. Euskal Herria divídese en siete territorios (a vegaes denomaos col términu vascu herrialdes):

Principales ciudades[editar | editar la fonte]

Extensiones y datos geográficos[editar | editar la fonte]

Territoriu Estensión (km2) Capital Númberu de Conceyos
Euskal Herria 20.947,2 Pamplona 683
Álava 3.316,9 Vitoria 53
Vizcaya 2.236,7 Bilbao 112
Guipúzcoa 1.980,3 San Sebastián 88
Labort 855,7 Bayona 41
Baja Navarra 1.322,1 San Juan Pie de Puerto 74
Navarra 10.421,0 Pamplona 272
Sola 814,5 Mauleón 43

Fuente Datutalaia

Euskal Herria como nación[editar | editar la fonte]

El conceutu d'Euskal Herria como nación ye polémico, yá que la concencia nacional vasca tien un gráu mui diversu d'inplantación nos ciudadanos de caún de los territorios d'Euskal Herria. Polos resultaos ellectorales de los distintos partíos nestos territorios, pue inferir, con cautela, que'l sentimientu de pertenencia n'esclusiva a esta nación podría ser mayoritariu en Vizcaya y Guipúzcoa (que sumen más del 60% de la población total d'Euskal Herria y con poco más de 20% del total). En Navarra polos resultaos ellectorales nacionalistes podría inferirse que'l sentimientu de pertenencia de Navarra a Euskal Herria como nación nun sobrepasaría un 25% de la población; porcentaxe únicamente obteníu del númberu de votos nacionalistes. (En Euskobarómetro [1] se pue consultar sobre los difernetes sentires de la sociedá vasca.)

El territoriu definíu anguaño como Euskal Herria nun tuvo unidá política na historia. Nel reináu de Sancho Garcés III el Mayor (1004-1035), el reinu de Nájera-Pamplona, antecesor del Reinu de Navarra, al reinar sobre bona parte del norte cristianu peninsular, reinó sobre la mayor parte los territorios, incluyendo los correspondientes al denomáu "País Vascu francés", ensin abarcar por embargu la Ribera de Navarra.

Ver también[editar | editar la fonte]

Referencies[editar | editar la fonte]

  1. 1.0 1.1 Euskaltzaindia sobre la denomación Euskal Herria, Real Academia de la llingua vasca
  2. Les llendes de la llingua vasca a lo llargo de la Historia, de Carlos Cid Abásolo, na «Revista de Filoloxía Románica», 2002, 19, 15-36, ISSN 0212-999X, mapa 2.
  3. [llibru Gran Enciclopedia Larousse 1988, ISBN 84-320-7379-2 tomu 9]
  4. «Nombres y conceptos». Columna de José Luis Lizundia nel diariu El País, el 2 d'ochobre de 2006.
  5. http://www.hiru.com/es/geografia/geografia_06550.html

Enllaces externos[editar | editar la fonte]