Estrella Polar

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


Pol efeutu de la precesión de los equinoccios, los polos celestes muévense con rellación a les estrelles, polo tanto, la Estrella Polar nun ye la mesma nos hemisferios al pasu los años.

Anguañu[editar | editar la fonte]

La Estrella Polar nel hemisferiu Norte ye \alpha de la Osa Menor; qu'allugada nel estremu de la cola de la Osa menor, nómase-y tamién Polaris por ser la que tá mas cerque'l Polu, (menos d'ún gráu). Entá tien qu'averase más, y nel añu 2100 tará a unos 28'. Nesi intre, el Polu allonxaráse d'esta estrella, que nun tornará a ser la Polar fasta 25.780 años dempués.

Estrellapolar.jpg

Camín del Polu Norte ente les estrelles. (La figura nun tien en cuenta la nutación).


Nel pasáu[editar | editar la fonte]

Fai 2.800 años enantes la nuesa dómina, la estrella más cerque'l polu Norte, (o seya, la estrella Polar d'aquella dómina llonxana), yera Thuban, \alpha de la constelación del Dragón, de magnitud 3,6 y qu'alcontrábase namái a 10' del polu celeste (La Estrella Polar d'anguañu tá a 50'). Thuban foi famosa en China y l'Antigu Exiptu. Los antigos astrónomos chinos inscribiéronla nos sos anales, na dómina del Emperador Hoang-Ti, que reinó 2700 años enantes de la nuesa dómina. Los exipcios, que fai más de 50 sieglos ficieran les Grandes Pirámides, amosaron tener unos conocimientos abondo avanzaos abriendo galeríes que dexen caltrizar nel so interior y adicar dende elles el Polu Norte, (que d'aquella empobinaba a la \alpha del Dragón. Güéi, dende les galeríes de les pirámides, si non tovieren trancaes, adicaríemos la nuesa estrella Polar, la \alpha de la Osa Menor.)

El polu pasó dempués ente la estrella \beta de la Osa Menor y la \kappa del Dragón. Nesta dómina costruyóse la Esfera de Quirón, la más antigua conocida, que correspuende a la dómina de la espedición de los Argonautes, 1.200 años enantes de la nuesa dómina. Dende entóncenes, el polu foi averándose a la qu'anguañu ye la estrella Polar.

Nos entamos la nuesa dómina, nun hebía denguna estrella qu'allumase cerque'l polu. Na obra "Xulio César" , de William Shakespeare, el personaxe principal diz: "Pero yo soi costante como la estrella Polar que nun tien igual en cuantes a estabilidad nel firmamentu." Ta nidio que los versos de Shakespeare son un anacronismu ya que na so dómina \alpha de la Osa Menor yera la Polar, pero non na dómina de Xulio César, au'l polu Norte nun empobinaba a denguna estrella.

Alrodiu del añu 800 pasó metanes xunto una pequeña estrella doble na constelación de la Xirafa.

Nel futuru[editar | editar la fonte]

Pero la estrella Polar d'anguañu, de magnitú 2, ye una de les más brillantes que s'afayen nel camín que percuerre el Polu y por ello caltién el títulu dende fai más de dos mil años. Fechu que camudará alrodiu del añu 3.500, dómina na que'l polu pasará cerque d'una estrella de tercera magnitú, la \gamma de Cefeo. Nel añu 6.000 tará ente dos estrelles de tercera magnitud, la \beta ya \iota de Cefeo; haza l'añu 7400 tará cerque de la brillante estrella de primera magnitud, γ del Cisne, y haza l'añu 13.600, Vega ( \alpha de Lira), sedrá la estrella Polar más brillante del cielu boreal de branu que caltendrá la primacía demientres tres mil años polo menos. Ésta sedrá la Polar de les futures xeneraciones, como ya foi fai catorce mil años, na Era Glacial.

Navegación astronómica[editar | editar la fonte]

Dau que la estrella polar allúgase práuticamente nel polu norte celeste, aparez nel centru de les trayeutories circulares que paecen debuxar les otres estrelles pola mor del efeutu de Rotación terrestre.

Esta carauterística independiza del tiempu, l'adicación de les coordenaes llocales de la estrella polar, siendo l'altor sobro l'horizonte espresáu en graos y minutos la llatitú del adicador. Pa algamar esautitú, hai que correxir esti datu, ya que la estrella Polar nun s'alcuentra en términos teóricos esautamente nel polu Norte celeste. La posición privilexada na bóveda celeste de la estrella polar, fai d'ella una aida del navegante, que namái con una güeyada al cielu ye quien a asegurar l'aldu y determinar la llatitú.

Ver tamién[editar | editar la fonte]

Polaris (estrella)