Eris
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
-
- Pa otros usos d'esti términu ver: Eris (dixebra)
Eris ye la personificación na mitoloxía griega de la Discordia. El so orixe ye escuru, pa unos ye fía de Zeus y d'Hera mientres que pa otros yelo de Nyx, esta tradición ye la más aceutada polos mitólogos.
Sigún Hesiodu yera ma, paez que por partenoxénesis, de:
- Ponos (la Pena)
- Lete (l'Escaezu)
- Limos (la Fame)
- Algos (el Duelgu)
- Hysminai (los Combates)
- Malchai (les Batalles)
- Phonoi (les Matances)
- Androctasai (les Masacres)
- Neikea (los Tarrecimientos)
- Pseudea (les Mentires)
- Amphillogiai (les Ambigüedaes)
- Dysnomia (el Desorde)
- Ate (la Ruina o l'Alloriamientu)
- Horcos (el Perxuriu o la Blasfemia)
Eris y la Guerra de Troya [editar]
La presencia más conocida d'esta diosa nos mitos foi como aniciadora de la Guerra de Troya. Celebrábase'l casoriu de Peléu y Tetis con cásique toles divinidaes convidaes, sacante Eris, que pol so cálter nun lo foi. Asina que la diosa, presentose na folixa con una mazana d'oru que dicía kallisti, pa la más fermosa.
Al empar, llanciaronse Atenea, Afrodita y Hera pero nenguna fíxose cola fruta dorada, asina que nomaron a Paris, fíu del rei de Troya, como arbitru. Sol fechizu de la trincha d'Afrodita, el mozu escoyió a la citerea como ganadora; esto fexo que les perdedores se vengaren d'él obligándolu a namorase d'Helena de Troya y raptala, emprincipiando asina la guerra de Troya.
