El Condao
El Condao (El Condado en castellanu) ye una parroquia del conceyu asturianu de Llaviana. Ta asitiada na fastera nororiental del conceyu, y llenda: al norte col conceyu de Bimenes, al noreste col de Piloña, al este col de Sobrescobiu, al sur y suroeste cola parroquia llavianesa de Llorío, al oeste cola de La Pola y al noroeste cola de Tiraña. Ta consagrada a San Esteban y tien una estensión de 17,68 km². La so población, de 643 habitantes (INE, 2011), ta repartida ente'l llugar homónimu (469 habitantes) y les aldees y caseríes de L'Aldea, Boroñes, La Ferrera y La Xerra.
Ente'l patrimoniu d'esta parroquia cueye destacar el denomáu Torruxón, cuyu orixe ye romanu magar que foi reconstruyíu delles vegaes, y la casona de los Menéndez, en L'Aldea.
El pueblu d'El Condao foi escoyíu «pueblu más guapu d'Asturies» nel añu 1969.
[editar] Aldees
- L'Aldea 2 Habitantes (2011)
- Boroñes 42 Habitantes (2011)
- El Condao 469 Habitantes (2011)
- La Ferrera 87 Habitantes (2011)
- La Xerra 43 Habitantes (2011)
[editar] Bibliografía
- Espediente colos topónimos oficiales de Llaviana
- VV.AA., Diccionario geográfico de Asturias. Editorial Prensa Asturiana, Uviéu, 2000.
.svg){kind=small} |
Parroquies de Llaviana |  |
|---|---|---|
| Los Barreros | Carrio | El Condao | Entrialgo | Llorío | La Pola | Tiraña | Tolivia | Villoria | ||
