Edgbaston

Edgbaston
Alministración
País	Reinu Xuníu
Nación constitutiva	Inglaterra
Rexón	Midlands del Oeste (es)
Condáu metropolitanu	Tierres Medies Occidentales
Conceyu metropolitanu	Birmingham (en)
Tipu d'entidá	suburbiu
Códigu postal	B15
Xeografía
Coordenaes	52°27′29″N 1°55′08″W / 52.4581°N 1.919°O
	Edgbaston Edgbaston (Reinu Xuníu)
Más información
Prefixu telefónicu	0121

Edgbaston ye una parte de la ciudá de Birmingham, n'Inglaterra (Reinu Xuníu). Constitúi un distritu formal gobernáu pola so propia xunta de distritu. Ta estremáu, como'l restu de los distritos de Birmingham, en cuatro wards: l'homónimu de Edgbaston y los de Bartley Green, Harborne y Quinton.

Edgbaston tien tradicionalmente la reputación de ser una de les zones más acomodaes de Birmingham polo que s'alude a ella como «onde nacen los árboles».^{[ensin referencies]} Nel sieglu XIX la zona taba sol control de la familia Gough-Calthorpe, que torgó la construcción de fábriques y almacenes en Edgbaston, lo que la convirtió nuna zona curiosa pa la clase media. Sicasí, anque les partes central y meridional del distritu caltienen unos residentes d'ostensible poder adquisitivu, hai delles partes nes que'l nivel económicu baxó, con una alta proporción de viviendes privaes en réxime de realquiler per habitaciones, según viviendes sociales del conceyu. En Edgbaston atópase, amás, la Universidá de Birmingham, establecida como «Birmingham Medical School» en 1825.

Residentes célebres[editar | editar la fonte]

El batería de Pink Floyd Nick Mason nació en Edgbaston. L'inxenieru Alec Issigonis vivió en Edgbaston mientres bona parte de la so vida. L'escritor J. R. R. Tolkien vivió ellí mientres una parte de la so infancia, y les torres de Perrott's Folly y Edgbaston Waterworks supuestamente apurriéron-y la inspiración pa Les dos torres. El Primer Ministru británicu Neville Chamberlain (1869–1940) nació nuna casa llamada Southborne, en Edgbaston. La novelista Barbara Cartland nació en Edgbaston, nel númberu 31 de la cai Augustus Road.^{[ensin referencies]} El as de l'aviación de la Primer Guerra Mundial, mayor Arthur Keen (1895–1918) vivió en Edgbaston hasta la so serviciu militar.^[1] L'actriz Julie Walters nació na ciudá.

Referencies[editar | editar la fonte]

↑ «Arthur Keen» (inglés). The Aerodrome. Consultáu'l 15 de payares de 2010.

Enllaces esternos[editar | editar la fonte]

Distritu de Edgbaston (Conceyu de Birmingham).
Ward de Edgbaston (Conceyu de Birmingham).

[1] «Arthur Keen» (inglés). The Aerodrome. Consultáu'l 15 de payares de 2010.

[1]