Pink Floyd

De Uiquipedia
Saltar a: navegación, buscar
Pink Floyd
El grupu en 1971, esq-der: Roger Waters, Nick Mason, David Gilmour, Richard Wright.
El grupu en 1971, esq-der: Roger Waters, Nick Mason, David Gilmour, Richard Wright.
Nome {{{Nome_de_nacimientu}}}
Nomatu {{{Nomatu}}}
Nació {{{Nacimientu}}}
Morrió {{{Muerte}}}
Información musical
Orixe Londres, Reinu Xuníu
Xéneru Rock sicodélicu, Rock progresivu, Rock espacial
Ocupación {{{Ocupación}}}
Instrumentos {{{Instrumentu}}}
Actividá 1965 - 1995
Discográfiques
Rellacionáu con {{{Artistes_rellacionaos}}}
Páxina web Website oficial
Miembros
David Gilmour, Nick Mason, Richard Wright (última formación)
Roger Waters, Syd Barrett (miembros anteriores)

Pink Floyd foi un grupu de Rock progresivu británicu, formáu en Londres en 1965. Ye considerada una de les bandes más influyentes na hestoria de la música Rock, que llogró gran popularidá gracies a la so música sicodélica, que foi evolucionando escontra'l Rock progresivu y el Rock sinfónicu col pasu del tiempu.

El grupu ye conocíu polos sos cantares de conteníu filosóficu, la esperimentación sónica, les innovadores portaes de los sos discos y los sos ellaboraos espectáculos en vivu.

Hestoria[editar | editar la fonte]

Primeramente'l grupu taba formáu pol guitarrista Bob Klose, el batería Nick Mason, el teclista y vocalista Richard Wright, el baxista y vocalista Roger Waters y el guitarrista rítmicu y vocalista principal Syd Barrett, quien convirtióse nel primer líder de la banda. Sicasí, l'estrañu comportamientu de Barrett, causáu pol escesivu consumu de drogues, especialmente LSD, fixo que fuera sustituyíu en xineru de 1968 pol que yá fuera'l so amigu: David Gilmour, cristalizando asina la formación clásica del grupu tres l'anterior marcha de Klose.

Pink Floyd empezó con gran ésitu na escena underground londinense a finales de los años sesenta, con Syd Barrett como principal compositor. La salida de Barrett fixo que'l cantante y baxista Roger Waters convirtiérase gradualmente na fuerza dominante na primer metá de los años 70, la dómina de mayor ésitu en vientes de la banda, hasta'l so abandonu en 1985. El grupu grabó mientres esta dómina munchos álbumes que convirtiéronse en grandes ésitos comerciales, como "The Dark Side of the Moon" (1973), "Wish You Were Here" (1975), "Animals" (1977) y el doble LP "The Wall" (1979). No tocante a Barrett, dempués de la so salida de Pink Floyd, grabó dellos trabayos en solitariu a principios de los años 70, anque terminó recluyíu viviendo na casa de los sos padres, finando'l 7 de xunetu de 2006, a los 60 años.

En 1985, Waters declaró la estinción de Pink Floyd, pero los demás miembros, encabezaos por David Gilmour, siguieron dando vida al grupu hasta ser demandaos por Waters por cuenta de los derechos del nome de la banda, yá que siguieren grabando y actuando sol nome de Pink Floyd, ente que Waters pensaba que dichu nome nun tenía de siguir siendo utilizáu. Tres el xuiciu, Waters llogró los derechos esclusivos sobre tou la imaginería qu'esplegaben nos sos conciertos (incluyíu'l so famosu gochu volador) y los derechos sobre l'espectáculu audiovisual de "The Wall" (escluyendo les trés temes que compunxo Gilmour pa la obra: «Young Lust», «Run Like Hell» y «Comfortably Numb») y sobre toos les temes incluyíes en "The Final Cut" (1983), ente que'l restu del grupu podía siguir usando'l mesmu nome.

En superando estos problemes llegales, Gilmour, Mason y Wright esfrutaron del ésitu comercial con "A Momentary Lapse of Reason" (1987), discu nel que Wright participó como teclista asalariáu y non como miembru fixu de la banda, y con "The Division Bell" (1994), últimu discu d'estudiu del grupu nel que yá apaecieron Gilmour, Mason y Wright como componentes de la banda. Waters, pela so parte, embarcóse nuna carrera como solista y nun volvióse axuntar con Pink Floyd hasta 24 años dempués, el 2 de xunetu de 2005, nel conciertu Live 8, en Londres. El 15 de setiembre de 2008 finó Richard Wright, dando per concluyida -virtualmente- toa posible xunta del grupu.

Discografía[editar | editar la fonte]

N'estudiu
Imaxe que representa'l fenómenu de dispersión de la lluz, nel que basóse Storm Thorgerson, de Hipgnosis, pa crear la portada de "The Dark Side of the Moon".
   *1967, The Piper at the Gates of Dawn
   *1968, A Saucerful of Secrets
   *1969, More (banda de soníu)
   *1969, Ummagumma
   *1970, Atom Heart Mother
   *1971, Meddle 
   *1972, Obscured by Clouds (banda de soníu)
   *1973, The Dark Side of the Moon
   *1975, Wish You Were Here
   *1977, Animals
   *1979, The Wall
   *1983, The Final Cut
   *1987, A Momentary Lapse of Reason
   *1994, The Division Bell
En directu
   *1988, Delicate Sound of Thunder
   *1995, Pulse
   *2000, Is There Anybody Out There? The Wall Live 1980–81

Referencies[editar | editar la fonte]

Enllaces esternos[editar | editar la fonte]