Dover (Delaware)

De Uiquipedia
Saltar a: navegación, buscar
Situación de la ciudá dientro l'estáu
Situación de Delaware nos Estaos Xuníos


Dover ye la capital del estáu de Delaware, nos Estaos Xuníos, y tamién la del condáu de Kent. Colos sos 35.811 habitantes (U.S. Census Bureau, 2006)la segunda ciudá (dempués de Wilmington) más poblada d'esi estáu.

Capitoliu estatal de Delaware

Foi fundada en 1683 col envís de que fuera la capital del recién creáu condáu de Kent, y recibió'l so nome como homenaxe a la ciudá inglesa homónima. Un sieglu dempués, en 1777, convirtióse na capital del estáu. La actividá económica d'esta pequeña ciudá tien como protagonista mui principal a l'alministración, estatal y del condáu, que concentren nella bona parte de les sos oficines. Ye destacable tamién la Dover Air Force Base, que contien la única morgue pa soldaos estadounidenses muertos en combate que hai en tol territoriu continental de los Estaos Xuníos. Aparte de toes estes instituciones públiques, delles empreses (Playtex, General Mills, Procter & Gamble...) tienen fábriques na ciudá, qu'acueye tamién, nel so circuitu, carreres de la fórmula NASCAR.

West Loockerman Street, Dover

Enllace esternu[editar | editar la fonte]

N'inglés Páxina web oficial de la ciudá


Dover, Delaware
Wikimedia Commons tien archivos rellacionaos con: