Culiebra

Culiebres
Clasificación Científica
Reinu: Animalia Filo: Chordata Clás: Reptilia Orden: Squamata Suborden: Serpentes
Families
Acrochordidae Aniliidae Anomalepididae Anomochilidae Atractaspididae Boidae Bolyeriidae Colubridae Cylindrophiidae Elapidae Hydrophiidae Leptotyphlopidae Loxocemidae Pythonidae Tropidophiidae Typhlopidae Uropeltidae Viperidae Xenopeltidae

La culiebra ye un animal reptil de sangre frío, que forma l'orde Squamata, los cualos orixináronse nel períodu Cretácicu.

Morfoloxía

Les culiebres tan cenciellamente especializaes na llocomoción ensin pates, y la deglución de grandes mases d'alimentos. Son asemeyaes a los llagartos nos munchos aspeutos y ambos dixebraos d'otros grupos de reptiles, tando les dos especies integraes nos reptiles escamosos. Nun tienen párpagos, nin abertures auditives esternes, nin miembros pa la llocomoción y la so cadarma tien munches vértebres algamando grandes tamaños dalgunes como l'anaconda puen llegar a los 10 metros, delles tienen velenu qu'usen pa matar a les sos preses.

Dieta

Toes elles son carnívores y traguen les sos preses enteres frayando los güesos pa dixeriles meyor, alimentándose d'animales pequeños, aves, inseutos y tamién dalgunes otres culiebres ello ye gracies a mandíbules inferiores mui flexibles, cuyes dos mitaes nun s'alcuentren xuníes ríxidamente. Dempués de xintar, les culiebres alletárguense demientres el procesu de dixestión.

Llocalización

Distribución mundial de les culiebres

Les culiebres alcuéntrense estendies per tol mundiu, quitando les rexones polares, na islla d'Irlanda y delles islles oceániques. Hai unes 3.000 especies conocíes, que tan agrupaes cenciellamente en nueve families.