Cruz de la Victoria
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La Cruz de la Victoria ye una xoya del prerrománicu asturiano, guardada na Cámara Santa de la Catedral d'Uviéu y convertida en símbolu d'Asturies.
Trátase d'una cruz llatina con alma de madera de carbayu recubierta d'oru y piedres precioses. Tien los brazos enanchaos nos sos estremos y un pequeñu relicariu nel so centru de xunión.
Foi fecha por orfebres procedentes del reinu francu demientres el reináu d'Alfonsu III, quien ordenó la so fechura a entamos del sieglu X como donación a la Catedral de San Salvador d'Uviéu, como s'indica nel reversu de la cruz, xunto cola inscripción en llatín "HOC SIGNO TVETVR PIVS. HOC SIGNO VINCITVR INMICVS" ("Con esti signu protéxese al piadosu. Con esti signu véncese al enemigu").
Según cuenta la llienda ye la cruz que llevó Don Pelayu na batalla de Cuadonga.
Referencies[editar | editar la fonte]
Enllaces esternos[editar | editar la fonte]
| Control d'autoridaes |
|
|---|
Datos: Q2477002
Multimedia: Cruz de la Victoria