Ciudá de San Marino

De Uiquipedia
(Redirixío dende Ciudá de San Marín)
Saltar a: navegación, buscar
Città di San Marino
Bandera de Ciudá de San Marino Escudu de Ciudá de San Marino
Bandera Escudu
San Marino ratusz.jpg
Palazzo Pubblico
País {{{país}}}
Allugamientu 43°56′N 12°26′E / 43.933°N 12.433°E / 43.933; 12.433
• Altitú 749 msnm
Superficie 7,09 km²
Fundación 3 de setiembre, 301
Población 4.493 hab. (2003)
• Densidá 633,71 hab./km²
Xentiliciu de la Ciudá de San Marino, samarinés
{{{conceutu_llingües}}} Italianu
Códigu postal RSM-47890
Capitano Alessandro Barulli
San Marino-San Marino.png

La Ciudá de San Marino (n'italianu Città di San Marino) ye la capital de San Marino, allugada sobre'l monte Titano nos montes Apeninos.

Ye la tercera ciudá del país dempués de Borgo Maggiore y Dogana (llocalidá de Serravalle), ye tamién la capital del castiellu homónimu.

Hestoria[editar | editar la fonte]

La ciudá foi fundada por Marinus y varios refuxaos cristianos nel añu 301. A partir d'ehí, la ciudá convirtióse nun centru de refuxaos cristianos que fuxíen de las persecuciones romanes, eso fixo que la ciudá se convertiera na república más antigua d'Europa, pues cal dicir que na dómina tala'l territoriu samarinés correspondía a la sola ciudá de San Marino.

El corazón urbanu de la ciudá foi protexíu por tres torres: la primera, Guaita, construyida bien ceo (sieglu XI) pa protexer la ciudá, tenía fama d'intrespasable, lo que reducía en gran parte los ataques a la ciudá, pues desmotivaba a quien-yos tentaba la idea d'atacar la ciudá.

Por mor de la guerra que nun cesaba, viose la necesidá de construyir una segunda torre, la Cesta (sieglu XIII). Pero'l sistema defensivu samarinés nun foi completáu fasta la construcción de la tercer torre, la Montale (sieglu XIV), la más pequeña de toes y construyida sobre la cabera de les cimes del monte de las trés cimes, el Titano.

Col percorrer de los años, la población de la ciudá foi medrando, demientres que'l territoriu siguía siendu d'unos cuantos kilómetros; la política samarinesa nun incluyía nin la invasión, nin la utilización de la guerra p'algamar nuevos territorios, ye por mediu de compres y de trataos que San Marín algamaba los otros nueve castelli colos que cunta na actualidá.

Economía[editar | editar la fonte]

L'economía de la Ciudá de San Marino, tuvo siempres lligada a la industria nacional. Fasta va poco, les principales actividaes económiques de la llocalidá yeren l'estraición y los trabayos en piedra (talla de piedra, mármol). Güei l'economía muévese gracies al turismu, el comerciu (venta de recuerdos), la venta de sellos postales, amás d'una pequeña industria agrícola, anque esta cabera en decadencia. Nun hai qu'escaecer tamién que San Marino tien ún de los PIB per cápita más altos del mundiu.

Turismu[editar | editar la fonte]

Monte Titano
Catedral de San Marino

Pa entrar al centru hestóricu de la Ciudá de San Marino, hai qu'atrevesar la Puerta de San Franciscu (tamién nomada del Llocu), al llau de la que s'alcuentra la catedral del mesmu nome. Nel templu, construyíu nel sieglu XV, puen observase representaciones pictóriques d'artistes importantes.

La Ciudá de San Marino ofrez un panorama únicu, cunta con ún de los monumentos famosos, ente los que cal destacar la casa'l conceyu (Palazzo Pubblico), numberosos museos y los trés castiellos qu'aseguraben la defensa de la ciudá antaño.

La ciudá, visitada por más de trés millones de persones al añu, afirmóse progresivamente como un gran centru turísticu, un 85% de los turistes sonitalianos. La ciudá cunta amás con más de mil tiendes, onde ye posible alcontrar gran variedá de productos.

Sitios d'interés[editar | editar la fonte]

La ciudá nun ofrez namás qu'una manífica vista sinón tamién varies curiosidaes célebres como:

  • El Palaciu de los Capitanes (Palazzo dei Capitani)
  • La Casa'l Conceyu (Palazzo Pubblico)
  • Los trés castiellos (Guaita, Cesta y Montale)
  • Plaza del Titano
  • Plaza de Garibaldi (monumentu a Marinus)
  • Monesteriu de Santa Clara
    • Muséu del Emigrante

Ciudaes hermanaes[editar | editar la fonte]

La Ciudá de San Marino ta güei hermanada con una ciudá.