Cazu (parroquia)

Cazu
Alministración
País	España
Autonomía	Principáu d'Asturies
Provincia	provincia d'Asturies
Conceyu	Ponga
Partíu xudicial	Cangues d'Onís
Tipu d'entidá	parroquia d'Asturies
Xeografía
Coordenaes	43°15′45″N 5°12′42″W / 43.26254°N 5.21174°O
	Cazu Cazu (Asturies)
Superficie	15.97 km²
Altitú	393 m
Llenda con	Tarañes, Carangres, Sebarga, Llerandi, Los Montes y Espinaréu
Demografía
Población	152 hab. (2017)
Porcentaxe	26277.2% de Ponga; 15.04% de provincia d'Asturies; 15.04% de Principáu d'Asturies; 0.32% de España
Densidá	9,52 hab/km²
Viviendes	182 (2001)
Más información
Estaya horaria	UTC+01:00

Cazu^[2] ye una parroquia del conceyu de Ponga, allugáu na parte suroriental del Principáu d'Asturies. Ta formada polos pueblos de Cazu, Sellañu, Priesca, Los Lladeros, Ambingue, Cortes y Tribiertu, repartíos nos sos 15,97 km²^[3] y tien una población de 152 hab. (2017)^[4]

Cazu distínguese pola so torre, una de les edificaciones más antigües d'Asturies, a la qu'a lo llargo de los sieglos fueren añadiéndoyse d'elles construcciones pel so redeor, una de les que conserva un antiguu escudu d'armes.

La lleenda llocal asegura que dicha torre disponía d'un subterraneu pa la fuga de los señores que la ocupaben, y qu'orixinalmente llegaba hasta'l ríu. Según esta lleenda, un xoven cristianu enamoráu d'una bella doncella mora aprovechose de la so existencia pa burlar a los padres de la muyer y fugase con ella.

Xunto a la torre afáyase un gran horru que tien la particularidá de ser de planta cuadrá y apoyase nos sos nueve pegollos.

Tamién destaca la Ilesia de Santa María de les Nieves, que data del sieglu XVIII, de planta cruciforme. Consta de dos capilles; una de les que conserva les pintures orixinales.