Carl Anton Larsen

De Uiquipedia
Saltar a: navegación, buscar

Carl Anton Larsen (Østre Halsen, Noruega 27 d'agostu de 1860; Mar de Ross 8 d'avientu de 1924) foi un esplorador antárticu y balleneru noruegu y el fundador de Grytviken na isla Georgia del Sur.[1] La barrera de xelu Larsen foi nomada asina nel so honor.

Carl Anton Larsen.

Larsen abandonó la escuela a la edá de 14 años pa xunise a so padre como marín, algamando a los 20 años la so llicencia de navegante. Tamién na so mocedá, gracies a tener vivío n'Inglaterra, y a apreciar la importancia de los idiomes, deprendió inglés y español de manera autodidacta.

Larsen empobinó una espedición a l'Antártida, al mandu del barcu Jason, de 1892 a 1894.[2] En 1893 convirtióse na primer persona n'esquiar na Antártida. En 1895 yera capitán d'un barcu balleneru. Más sero capitaneó'l barcu Antarctic, como parte de la Espedición Antártica Sueca de 1901-1904 dirixida por Otto Nordenskjöld.[3] A lo llargo d'esa misión dellos de los miembros de la so tripulación invernaron por 10 meses na Isla Cerru Neváu,[4] y depués el so barcu quedó atrapáu polos xelos, él y la so tripulación esperaron l'inviernu (1903) na Isla Paulet, sobreviviendo de pingüinos y foques hasta ser rescataos pol barcu arxentín ARA Corbeta Uruguay.

Depués de permanecer n'Arxentina, con capitanes arxentinos, fundó la primer corporación ballenera antártica, la Compañía Arxentina de Pesca, y en 1910, adoptó la ciudadanía británica xunto cola so familia.[5][6]

Grytviken en 1914.

Referencies[editar | editar la fonte]

  1. http://www.jamescairdsociety.com/southgeorgia.php The James Caird Society
  2. Antarctica. Sydney: Reader's Digest, 1985, pp. 126-127, 152-159, 296-297, 305.
  3. Child, Jack. Antarctica and South American Geopolitics: Frozen Lebensraum. New York: Praeger Publishers, 1988, pp. 13-14, 27-28, 72.
  4. Lonely Planet, Antarctica: a Lonely Planet Travel Survival Kit, Oakland, CA: Lonely Planet Publications, 1996, pp. 23, 278-279, 307.
  5. Stewart, Andrew, Antarctica: An Encyclopedia. London: McFarland and Co., 1990 (2 volumes), p. 558.
  6. U.S. National Science Foundation, Geographic Names of the Antarctic, Fred G. Alberts, ed. Washington: NSF, 1980.