CXO J164710.2-455216

CXO J164710.2-455216
	Púlsar
Datos d'observación
Ascensión reuta (α)	251,79243 °
Declinación (δ)	−45,8713 °
Constelación	Ara (es)

Coordenaes: 16^h 47^m 10.183^s, -45^° 52^′ 16.68^″

CXO J164710.2-455216, tamién llamáu informalmente Magnetar Westerlund 1, ye un magnetar y estrella de neutrones na constelación d'Ara. Asitiáu nel supercúmulu estelar Westerlund 1 —únicu cúmulu estelar d'esti tipu conocíu na Vía Lláctea—, alcuéntrase a unos 15.000 años lluz de la Tierra. L'oxetu afayóse en 2005 por Michael Muno.

Les propiedaes d'otres estrelles del cúmulu dexaron deducir que la proxenitora de CXO J164710.2-455216 tenía siquier 40 mases solares, colapsando pa formar una estrella de neutrones y non un furacu prietu como cabría esperar en función de la so masa. La so masa actual, unos dos vegaes mayor que la del Sol, implica que mientres el so colapsu más del 95% de la so masa foi espulsada al espaciu circundante.

Un añu dempués del descubrimientu de CXO J164710.2-455216, l'oxetu produció un españíu de rayos X mientres taba siendo profusamente reparáu por dellos satélites, ente ellos el satélite XMM-Newton de l'Axencia Espacial Europea y l'observatoriu Swift de la NASA. Namái cinco díes enantes del españíu, el magnetar, reparáu col XMM-Newton, atopábase relativamente sele tal que s'amosara nel momentu del so descubrimientu. Al igual que munchos otros magnetares, CXO J164710.2-455216 xeneraba un fexe de rayos X provocando un barríu al traviés de la Tierra una vegada cada diez segundos. Esto dexó que'l so periodu de rotación, de 10,6107 segundos, fuera determináu con gran exactitú. L'acontecimientu que produció l'españíu tamién fixo qu'aumentara'l so rellumu 100 vegaes, creó tres rayos separaos barriendo la Tierra cuando enantes namái unu esistiera, y aceleró el so periodu de rotación n'aprosimao un milisegundu.