Buró Socialista Internacional

De Uiquipedia
Saltar a: navegación, buscar

El Buró Socialista Internacional (BSI) foi'l muérganu executivu y informativu permanente de la Segunda Internacional. Creáu pol Congresu de 1900 cellebráu en París. La so sé taba en Bruseles (Bélxica). Tuvo integráu por representantes de tolos partíos socialistes adheríos a ella. Cada partíu tenía dos delegaos que lu representaben énte'l BSI.

La so xera yera caltener contactu y informar de les actividaes, discusiones y opiniones de los partíos miembros, intercambiar correspondencia ente estos, planificar y convocar los congresos de la Internacional y informar de les sos resoluciones, informar de les actividaes de los partíos miembros y promover la so organización, mediar nos conflictos ente ellos, esaminar les solicitúes d'ingresu a la Internacional, y la rellaciones con organizaciones fraternales.

Presidente del so Comité Executivu yera Emile Vandervelde (1900-1916) y como Secretarios Xenerales tuvo a Victor Serwy (1900-1905) y Camille Huysmans (1905-1916).

Al crease en 1923 la Internacional Obrera y Socialista, camudó la so denominación el Buró, siendo'l so Presidente Vandervelde (1923-1938) y Secretariu Friedrich Adler (1923-1939).