Friedrich Adler

Friedrich Adler (Viena, Imperiu Austrohúngaru, 9 de xunetu de 1879 - Zurich, Suiza, 2 de xineru de 1960) foi un políticu y revolucionariu austríacu.

Fiu del tamién políticu socialista Víctor Adler, estudió química, física y matemátiques en Zurich. En 1897 afilióse al partíu socialdemócrata d'Austria (SPÖ) y en 1907 foi editor del magazine Der Kampf ("La llucha"). Foi un bon collaciu d' Albert Einstein.

Na so llucha revolucionaria escontra la represión policial n' Austria-Hungría tomó drástiques midies. El 21 d'ochobre de 1916, nel restaurante del hotel vienés Meißl und Schadn disparó tres veces al ministru-presidente d' Austria, el Conde Karl von Stürgkh, matándolu. Por esti crimen foi sentenciáu a pena de muerte, pena que foi meguada posteriormente a 18 años de cárcele, gracies al emperador Carlos. El 1 de payares de 1918, en plena revolución, foi lliberáu.

Desendolcó la so vida política n' Austria fasta la Segunda Guerra Mundial. Esilióse a Estaos Uníos y retiróse de la política. Finó en Zurich a la edá de 80 años.

Esti artículu necesita ilustrase con imáxenes. Pues xubir imáxenes en Commons. Si necesites ayuda pa facelo, pues contautar con otros usuarios nel Chigre.