Bioteunoloxía
De Uiquipedia
La bioteunoloxía ye la teunoloxía basada na bioloxía, especialmente emplegada n'agricultura, farmacia, ciencia de los alimentos, ciencies forestales y medicina. Desendólcase nun enfoque multidisciplinariu qu'involucra delles disciplines y ciencies como bioloxía, bioquímica, xenética, viroloxía, agronomía, inxeniería, física, química, medicina y veterinaria ente otres. Tien gran repercusión na farmacia, la medicina, la microbioloxía, la ciencia de los alimentos, la minería y l'agricultura ente otres estayes.
Ye probable que'l primeru qu'emplegare esti términu fuera l'inxenieru húngaru Karl Ereki, en 1919, quien la introduxo nel so llibru Bioteunoloxía na producción cárnica y lláctea d'una gran esplotación agropecuaria.[1][2]
Según el Conveniu sobre Diversidá Biolóxica de 1992, la bioteunoloxía podría definise como "toa aplicación teunolóxica qu'emplegue sistemes biolóxicos y organismos vivos o los sos derivaos pa la creación o modificación de productos o procesos pa usos específicos".[3]
El Protocolu de Cartaxena sobre Xuridá de la Bioteunoloxía del Conveniu sobre la Diversidá Biolóxica[4] define la bioteunoloxía moderna como l'aplicación de:
- Téuniques in vitro d'ácidu nucleicu, incluyíos l'ácidu desoxirribonucleicu (ADN) recombinante y la inyeición direuta d'ácidu nucleicu en célules o orgánulos, o
- La fusión de célules más allá de la familia taxonómica que superen les barreres fisiolóxiques naturales de la reproducción o de la recombinación y que nun son téuniques emplegaes na reproducción y selección tradicional.
Error de cita: <ref> tags exist, but no <references/> tag was found
