Bandera de Liberia

De Uiquipedia
Saltar a: navegación, buscar
Bandera oficial de Liberia

La bandera de Liberia ye perasemeyada a la bandera d'Estaos Xuníos. Dambes tán compuestes por varies franxes roxes y blanques pero nel casu de la bandera de Liberia son once y na estaunidense hai trece. Tamién na bandera liberiana'l cuadrante d'arriba más averáu al mástil ye de color azul pero namái contien una estrella de cincu puntes blanca nel so interior.

L'asemeyamientu cola bandera estaunidense espeya que'l país se formó con antiguos esclavos procedentes de los Estaos Xuníos. Les once franxes representen a los once signatarios (firmantes) de la Declaración d'Independencia de Liberia y los colores roxu y blancu simbolicen el coraxe y la escelencia moral. La estrella blanca ye l'elementu alusivu a la llibertá obtenida polos antiguos esclavos sobro l'azul que simboliza, la tierra africana.

La bandera liberiana úsase como bandera de comeniencia por numberosos barcos de tol mundu yá que permite disponer de meyores condiciones fiscales y menores restricciones respeutu a otros países.