Bûcheron

De Uiquipedia
Saltar a: navegación, buscar
Rodaja de bûcheron.

El Bûcheron (dacuando Boucheron, Bucherone, Boucherond o Bucherondin) ye un quesu de cabra orixinariu del Valle del Loira (Francia). Semicuráu, con un periodu de maduración de 5 a 10 selmanes, el Bûcheron produzse en tueros curtios que se corten en rodaxes pa vendeles en tiendes d'alimentación.

El Bûcheron tien una pastia de color marfil con una corteya ablancazada. La so testura ye tienra pero firme. Cuando ye nuevu, esti quesu tien un sabor nidio que se fai más fuerte cuando avieya. La testura faise más ensuga al curase, siendo la testura en boca del centru trupo y magrizo, cola miga disolviéndose sobre la llingua, mientres la seición cercana a la corteya ye casi cremosa y pue resultar pegañosa a temperatura ambiente. Ye un quesu bono pa ensalaes o aperitivu sobre pan, crackers y uves.

Esti quesu ye paecíu al Chaource, pudiendo sirvir como sustitutu cuando esti nun s'atopa.