Astroloxía

De Uiquipedia
Saltar a: navegación, buscar

L'astroloxía, (del griegu: αστρολογία, de άστρον (ástron), ‘estrella’ y λόγος (logos) ‘pallabra, estudiu’, ye dicir; Estudiu de los cielos), ye un conxuntu de creencies que pretende conocer y aldovinar el destín de les persones, y albidrar asocedíos futuros.

Esta estaya nun tien sofitu científicu nengún y namái caltién calter de seudociencia. Les persones que prautiquen l'astroloxía sofiten que ye dable l'albidru del futuru per aciu de la observación de l'allugamientu y movimientu de los astros, y qu'estos exercen influyencia col abicañu de la xente, los socesos importantes nes sos vides, ya inclusive coles sos carauterístiques físiques.

N'antigüedá, l'astroloxía encontaba cola astronomía (estudiu científicu de los cielos), pero a midida que la humanidá algama mayores conocimientos y pescancia meyor la propia realidá, l'astroloxía queda trespuesta como una reminiscencia (lo mesmo que l'alquimia, l'Oráculu de Delfos o l'adoración a los dioses mitolóxicos).


Cquote1.svg «Cómo pue l'ascendencia de Marte, nel intre de la mio nacencia influyir sobro mín. Yo nací nuna habitación zarrada, la lluz de Marte nun podía entrar. La única influyencia de Marte que yera quien a afeutame yera la so gravitación; sicasí la influyencia gravitatoria del tocólogu yera muncho mayor que la de Marte. Marte tien mayor masa, pero'l tocólogu taba abondo más cerca». Carl Sagan en Cosmos: Un viaxe personalCquote2.svg