Arquiteutura von Neumann

De Uiquipedia
Saltar a: navegación, buscar

La arquiteutura von Neumann ye un modelu de diseñu pa Ordenadores nel que les instrucciones de los programes y tamién los datos tán calteníos na mesma cadarma d'atroxu. La unidá de procesamientu ta separtada del disposititivu d'atroxu, cosa que tamién ta implícita nesta arquiteutura.

Anque pueda paecer innecesario pensar nestos detalles por evidentes, los primeros ordenadores teníen los programes fixos, cableaos; poro, la idega de que'l programa tuviere almacenáu de la mesma manera que los datos ye perimportante, porque ye lo que permite que l'ordenador se pueda emplegar pa munches xeres estremaes y abre'l pasu a la esistencia del software y la programación. Si anguaño paeznos nidio que los ordenadores trabayen asina, ye porque práuticamente toos ellos implementen l'arquiteutura von Neumann.