Amhara

De Uiquipedia
Saltar a: navegación, buscar

Pueblu, idioma y estáu d'Etiopía

Los Amhara exercieron la supremacía nel país col réxime de Meguistu Haile Mariam, fasta que foi derrocáu por una coalición de partíos dominaos pola etnia tigranya.

Gobiernu del Estáu[editar | editar la fonte]

El partíu del gobiernu ye l'Ethiopian Peoples Revolutionary democratic Front.

L'All Amhara Peoples Organization (AAPO) paez ser una organización paragües tres la que s'oculten dellos grupos armaos: Ethiopian Unity Front apera nel norte de Shoa; l'Ethiopian Unity Patriotic Front o Ethiopian National Patriotic Front del Dr. Taye Woldesamayat quiciás gueta fondos pa l' alquisición d'armes. Sicasí nun s'informa de choques armaos en tarritoriu amhara nos caberos años, sobre tou na llinia que llenda con Sudán onde la violencia ye persistente: utilizada primeru polos monárquicos del EDU (Ethiopian Democratic Union) na so llucha escontra Meguistu Haile Mariam, llueu foi zona de combate pal EPRP marxista-leninista, quien a la so vegada foi ellimináu pol exércitu, ocupando entós estes posiciones fuercies del TPLF. El desplazamientu de persones que s'alcontraben ente la guerrilla y l'exércitu dio llugar al surdimientu de los Kefagne (Descontentos). Intentóse organizar a estos Kefagne nún Kefagne Patriotic Front, y al paecer formóse un conseyu de cinco antiguos xenerales del rexime de Menguistu pa dirixir esti frente, y produxeronse dellos choques haza 1993 pero dende 1994 nun se tien informáu d'actividá dala.