Alison Lohman

Alison Lohman
Vida
Nacimientu	Palm Springs, 18 de setiembre de 1979 (44 años)
Nacionalidá	Estaos Xuníos
Llingua materna	inglés
Familia
Casada con	Mark Neveldine (2009 – )
Fíos/es	2
Estudios
Estudios	Royal Academy of Dramatic Art ; Palm Desert High School (en)
Llingües falaes	inglés
Oficiu	actriz, actriz de voz, actriz de televisión, actriz de cine, actriz de teatru
IMDb	nm0517844

Alison Marion Lohman (18 de setiembre de 1979, Palm Springs) ye una actriz d'Estaos Xuníos. Conocida popularmente dende'l rodaxe de La flor del mal en 2002, dende entós trabayó regularmente en Hollywood, en películes como Big Fish y Flicka, y papeles en programes de televisión como 7th Heaven, Crusade y Tucker and Pasadena.

Biografía[editar | editar la fonte]

Los sos empiezos[editar | editar la fonte]

Alison Lohman nació en Palm Springs, California, d'ascendencia irlandesa, el so padre arquiteutu y la so madre dueña d'una panadería, hermana mayor de Robert. Lleva cantando, baillando y actuando en teatru dende los sos nueve años d'edá, empezó col papel de Gretyl Von Trapp nuna obra de la so llocalidá llamada "The Sound of Music", y tres la participación en munches obres llogró'l premiu "Desert League Theatre" a la meyor actriz de musical pol papel de Annie.

Carrera nel cine[editar | editar la fonte]

La National Foundation for the Advancement of the Arts propúnxo-y una beca pa Tisch School of the Arts de la universidá de Nueva York, pero ella decidió siguir cola so carrera profesional na actuación, treslladándose a Los Angeles en terminando la secundaria. Nesos cercanos siguientes años dedicóse a trabayar en delles películes de baxu presupuestu (como Kraa! The Sea Monster y Planet Patrol) y producciones televisives (llogró escelentes crítiques por Sharing the Secret).

El so primer gran película foi White Oleander, una adautación al cine de la novela de Janet Fitch, na que compartió rodaxe con Michelle Pfeiffer, Robin Wright Penn y Renée Zellweger. L'actuación de Alison foi bien aclamada pola crítica.

El so siguiente trabayu foi Matchstick Men, dirixida por Ridley Scott, na qu'actuó xunto a Nicolas Cage y Sam Rockwell. Esi mesmu añu protagonizó Big Fish de Tim Burton, la película foi un ésitu mundial, lo qu'ayudó a que s'afitara entá más en Hollywood.

Más palantre filmó The Big White, xunto a Holly Hunter, Tim Blake Nelson y Robin Williams.

Nel añu 2006 trabayó en Delirious, una comedia dramática de producción independiente, na qu'actuó xunto a Steve Buscemi.