Abderramán II

De Uiquipedia
Saltar a: navegación, buscar
Disambig.svg Ver otres persones col nome d'Abderramán

Abderramán II (n. Toledo, 792 - † Córdoba, 852). Cuartu emir omeya del Córdoba (822-852).

Socesor del so padre al-Hakam I entregóse al llabor de reorganizar alministrativamente al-Andalus. Trabayó pola pacificación xeneral y debilitó con aceifaes l'espansionismu cristianu. Guerreó escontra francos, asturianos y navarros.

Enfrentose a sublevaciones internes (Mérida y Toledo). En mayu de 843, Musa ibn Musa, xefe de la familia de los Banu Qasi foi'l cabezaleru d'una revuelta escontra Abderramán II, ayudáu por García I Íñiguez, rei de Navarra, col que taba emparentáu. Aplastada la sublevación, atacó les tierres de Navarra, venciendo a García I Íñiguez y Musa.

En 845 acabó colos saqueos de los normandos cola vitoria de Tablada.

Demientres el so mandatu fexose la revolución relixosa de los mozárabes, con San Eulogio y Álvaro como cabezaleros, quienes querien convertise en mártires al criticar la relixón musulmana.

Con él Córdoba algamó un gran esplendor cultural, siendo un gran proteutor de les artes y les lletres. Nel so reináu instalose en Córdoba Ziryab.

Fundó la ciudá de Murcia col nome de Mursiya.