87 Sylvia

De Uiquipedia
Saltar a: navegación, buscar
CMSylvia.png

87 Sylvia ye l'asteroide númberu 87 de la serie. Silvia ye importante por ser el primer asteroide conocíu en tener más d'un satélite natural.

Ye ún de los asteroides más grandes (260,9 km) del cinturón d' asteroides y pola so órbita a 3,49 UA del Sol pertenez a la familia del asteroide Cybele.

Descubrimientu y denominación[editar | editar la fonte]

Descubriólu en Madras, Norman Robert Pogson (1829-1891) el 16 de mayu de 1866.

Paul Herget, na so obra Los Nomes de los Planetes Menores (1955), diz que'l nome ye n'honor a la primer muyer del astrónomu Camille Flammarion, Silvie Petiaux-Hugo Flammarion, pero nel artículu anunciando'l descubrimientu d'esti asteroide, Pogson esplicó que seleicionó'l nome n'alcordanza a Rhea Silvia, ma de Rómulu y Remu.

Les carauterístiques físiques[editar | editar la fonte]

Sylvia ye de color mui escuru y probablemente tien una composición mui primitiva. El descubrimientu de les sos llunes fizo posible una midida esauta de la masa del asteroide (1,1 x 10 19 kg) y la so densidá (1,1 g/cm³). La so densidá ye mui baxa, indicando que l'asteroide ye mui porosu; un 60% d'él pue tar vacíu.

Les llunes[editar | editar la fonte]

Sylvia tien xirando al so rodiu dos pequeñes llunes asteroidales.

Nomáronse Rómulu y Remu, polos fíos de la diosa Rhea Silvia.

Rómulu, la primera lluna, descubrióse'l 18 de febreru de 2001 nel telescopiu W. M. Keck II de 10 metros en Mauna Kea, por Michael E. Brown y Jean-Luc Margot (Institutu de Teunoloxía de California), descubrieron esti satélite en semeyes obteníes en banda H, usando un sistema d'óptica adaptativa. La so designación completa ye (87) 1 Rómulo; enantes de recibir el so nome, yera conocíu como S/2001 (87) 1 . Tien 18 km de diámetru y la so órbita a una distancia de 1370 km, de Sylvia tarda en completase 87,6 hores. Los astrónomos pudieron calcular bien la so órbita porque fotografiaronla 27 vegaes a lo llargu de dos meses. En doce d'estes semeyes apaeció una segunda lluna más pequeña.

Anuncióse'l descubrimientu de Remu, la segunda lluna, el 10 d'agostu de 2005 por Franck Marchis de UC Berkeley, y Pascal Descamps, Daniel Hestroffer, y Jérôme Berthier del Observatoriu de París, Francia, usando'l telescopiu Yepun del Observatoriu Europeu Austral (ESO) nel Observatoriu Paranal, Chile. La so designación completa ye (87) 2 Remo; enantes de recibir el so nome, yera conocíu como S/2005 (87) 2 . Tien 7 km de diámetru y la so órbita a una distancia de 710 km, tarda 33 hores en completase.

Los astrónomos creyen qu'estes llunes formaronse por un impautu nel pasáu d'un asteroide con Silvia, quedando atrapaes pola gravedá del asteroide y que tamién se pueden alcontrar otres llunes más pequeñes.

Enllaces esternos[editar | editar la fonte]